Kooxaha All-shabaab oo weerar gaadma ah ku qaaday fadhiisinkii(Cali-Boolay) Jabhada ONLF ee Dhooblay.

(Dooblay, December 06,  2008 Ceegaag Online)

Xoogag All-shabaab  ee gacanta ku haaya Gobolka Jubada Hoose ay weerar gaadmo ah ku qaaday saldhiga Jabhada  dagaalka muqadaska ah kala soo horjeeda  dhulalkeena  Soomaali Galbeed Xukuumada haatan ka arimisa dalka Ethiopia.

Dagaalka oo la xaqiijiyay inuu amarkiisa bixiyay Sheekh Xasan Turki, ayaa u eeg mid laysaga horkeenay Barbaarta Beesha Ogaadeen ee reer Dhooblay, iyada oo ilaa hada aan lagaranayn sababta keentay iyo siyaasada laga leeyahay inagoo og in labadan Ciidan ay dagaal Jabhadayn ah kala soo horjeedaan Xukuumada haatan ka arimanasa dalka Ethiopia.

Su’aasha is waydiinta mudan ayaa ah waxa lagu macneen karo weerarkan All-shabaab ku qaaday ONLF oo doon la saaran. Iyada oo ay u eegtahay inuu soo dhaboobayo hadalkii uu Madaxwayne Yuusuf u Jeediyay xubnaha baarlamaanka ee uu qadada ugu sameeyay Nayroobi isgoo yidhi All- shabaab bad-baadin maayaan cid aan ahayn All-shabaab.

www.ceegaag.com

webmaster@ceegaag.com