|
Labo Sano
kadib Sheekh Shariif oo ku soo Laabtay Magaalada
Muqdisho, qaabkee loo soo dhaweeyay + sawiro.
(Muqdisho, December
10, 2008 Ceegaag Online)
  
Wafdi uu
hogaaminayo Gudoomiyaha Isbaheysiga u Xoreynta
Soomaaliya Sheekh Shariif Sheekh Axmed ayaa goor dhow ka
soo degay Garoonka Diyaaradaha Muqdisho ee Aadan Cadde
International Air Port.
Wafdigan
ayaa ka kooban 30-xubnood oo ka tirsan Isbaheysiga
Dib
u xoreynta, waxaana si diiran halkaas ugu soo dhoweeyay
xubno sar sare oo ka tirsan Dowladda Federaalka oo ay ka
mid yihiin Wasiirka Beeraha Mustaf Dhuxulow, Gudoomiyaha
Gobolka Banaadir Maxamed Cismaan Dhagaxtuur iyo Taliyaha
Ciidanka Booliska Soomaaliyeed Gen. Cabdi Xasan Cawaale
(Qeybdiid).
Sheekh
Shariif iyo wafdigiisa ayaa la dajiyay Hotelka Lafweyn
ee Waqooyiga Muqdisho, waxaana si weyn loo adkeeyay
Ammaanka Hotelka, waxaana galbintiisa ka qeyb qaatay
Ciidamada AMISOM oo ku hubeysnaa Hubka cul culus oo ay
ka mid yihiin gawaarida gaashaaman.
Shariifka ayaa markii uu ka soo dagay Garoonka
Diyaaradaha Muqdisho ayaa wariyeyaasha kula hadlay qolka
Martida ee Garoonka Diyaaradaha Muqdisho, waxaana uu
sheegay inuu Illaah uga mahadcelinayo sida nabada ah ee
aan dib ugu soo laabtay.
"Waxaan aad uga faraxsanahay inaan dib ugu soo laabano
Caasimadeena, inta qeyb qaadatay soo dhoweynteyda aad
baan ugu mahadcelinayaa, shacabka soomaaliyed meel kasta
oo ay joogaan salaan diiran"ayuu yiri Sheekh Shariif
Sheekh Axmed.
Sheekh
Shariif ayaa sidoo kale sheegay inuu rajeynayo in nabada
iyo dadaalada la wado inay guuleystaan, wuxuuna Sheekhu
sheegay in mar kale uu ka warbixin doono ujeedada
socdaalkiisa iyo dadaalada nabadeed oo ay wadaan
Dowladda KMG iyo Isbaheysiga Dib u Xoreynta.
Ammaanka
Garoonka Diyaaradaha ee Muqdisho ayaa waxaa si aad ah u
adkeeyay Ciidamada AMISOM iyo ciidamo Boolis ah oo ka
socday Dowladda Federaalka,waxaana halkaas ku soo
dhoweeyay dadweyne aad u fara badan iyo Mas'uuliyiin ka
tirsan Maamulka Gobolka Banaadir.
Imaanshaha Sheekh Shariif ee Caasimadda Soomaaliya ayaa
waxay qeyb tahay dadaalka dib u heshiisiinta ee laga
dhex wado dhinacyada Soomaaliya isku haysta, sidoo kale
imaanshaha Sheekh Shariif ee Magaalada Muqdisho ayaa
waxay qeyb tahay dadaalka Xukuumadda Nuur Cadde.
Waa
markii ugu horeysay oo muddo Labo sano ah oo Sheekh
Shariif soo gaara Magaalada Muqdisho kadib markii
Shariifka iyo Maamulkiisa Islaamiyiinta iyagoo kala
fardhay ka tagay Magaalada Muqdisho kadib awood culus oo
uga timid Ciidamada
Ethiopia
oo bishii December 2006-dii soo galay Magaalada Muqdisho.
www.ceegaag.com
webmaster@ceegaag.com |
