|
Madaxweyne Yuusuf
oo Safar dag-dag ah ku yimid Baydhabo kulamo Siyaasadeed
ka bilaabay.
(Baydhabo, December
05, 2008 Ceegaag Online)
Madaxweynaha Dowladda Somaaliya C/llaahi Yuusuf Axmed
iyo xildhibaano uu horkacayay ayaa maanta si lama filaan
ah ugu soo dagay magaalada Baydhabo ee xarunta gobolka
Bay,iyadoo si weyn loo adkeeyay ammaanka Magaalada gaar
ahaan waddooyinka ku dhaw dhaw Garoonka Diyaaradaha ee
Baydhabo.
Madaxweynaha oo kulan maalin qaatay Magaalada Jabuuti
kula soo yeeshay Madaxweynaha dalkaas Ismaaciil Cumar
Geelle ayaa soo laabashadiisa Magaalada Baydhabo waxay
ku soo aaday xilli uu halkaas gaaray maalin ka hor
Ra’iisal Wasaare Nuur Cadde oo loolan adag kala dhaxeeya.
Saacado
kadib markii uu gaaray Magaalada Baydhabo Madaxweyne C/llaahi
Yuusuf ayaa waxaa uu bilaabay inuu kulamo la qaato
xubnaha Baarlamaanka isagoo si gaar ahna ula kulmay
Guddoomiyaha Baarlamaanka.
Magaalada Baydhabo
ayaa waxaa hadda ka socda kulamo Siyaasadeed oo ay
leeyihiin xubnaha kala taageersan Madaxweynaha iyo
Ra’iisal Wasaaraha,
Arrinta ugu weyn ee dhex taala
Madaxweynaha iyo Wasiirkiisa koowaad ayaa waxay tahay
ansaxinta Golaha Wasiirada iyo heshiiskii Jabuuti ku
dhex maray Dowladda iyo kooxda mucaa-radka ee uu
hogaamiyo Sheekh Shariif Sheekh Axmed, waxaana la
filayaa in labadaas qodob ay saameyn ku yeeshaan
kulamada Baarlamaanka iyo wada shaqeynta Madaxweynaha
iyo Ra’iisal Wasaaraha iyadoo intaas ay dheer tahay
Maamulka cusub ee loo dhisay Gobolka Banaadir.
www.ceegaag.com
webmaster@ceegaag.com |
