Safaradii Musharaxiinta iyo Muranada Maata ee Garoowe

(Garoowe, December 10,  2008 Ceegaag Online) 

Waxaa la ogsoon yahay in musharaxiinta intooda badani ay ka yimaadeen dibada, (Qurbo joog), imaatinkii dalkana waxay intooda badani ka soo degeen garoonka diyaaradaha ee kuyaala  magalada boosaaso, waxayna uga soo gudbeen safaradooda gaadiidka dhulka oo keeenay Garowe.
 
Runtii si fiican ayaa Musharaxkasta luugo soo dhaweeyey magaalooyinka Boosaaso,Garowe,Qardho Iyo magaalooyinka kale ee u kala dhexeeya.
Hadaba, dhamaan dadka ku nool Goballadan waa kuwo xadaarad dheer leh iyo ilbaxnimo ujeedo qoto dheer leh, marka loo fiiriyo arimaha dadka musharaxiinta ah ama madaxdoonka ah sida loo soo dhaweeyey waayo waxaa dadwaynaha gobaladan ku nool u caado ah in ay soo dhawaynta musharaxa ama madaxdoonka in yar kadib ugu jawaabaan hadalo kooban oo ay musharaxa hortiisa kudhego hadlaan oo isku yiraahdaan (Arboowe aa latahay....Arboowe aa latahay....Arboowe aa latahay....), oo ku qoslaan oo katagaan, markaasna ayaana ugu danbeysa.
 
Taasi waxay ina tusaysaa ama inoo cadaynaysaa in musharaxiinta joogta Garowe waxa ay maanta ku sugan yihiin ee soo dhawayntii ka danbeeyey inay tahay (jugjug meeshaada joog,........jugjug meeshaada joog,........jugjug meeshaada joog,........).
 
waxaa kale oo xusid mudan in maalintii ciida Carafo, tukashadii salaada kadib, uu nin musharaxiinta ka mid ah oo u sharaxan madaxweyne uu musharaxkale oo isna madaxweyna u shearaxan ku yiri (Waxad ku wacantahay in aad isu sharaxdo Madaxweyne ku xigeen, sidaasna aad iigu noqoto ku xigeen), hadalka musharaxan oo uu ka yiri garoonkii salaada lagu tukadey, waxaa ka bilowdey murano iyo doodoh aad u farabadan oo dhexmaraya dadka ku nool garowe, gaar ahaan goobaha ay isugu yimadaan waxgaradka, aqoonyahanada, iyo dadwaynaha reer Garowe IWM.
 
Waxaa kale oo ay murano tira badani ka dhex jiraan xulashadii wakiilada ee xaga beelaha Puntland, taaso ay xiisad badan iyo isku qabsasho ka dhextaagantahay, waxaana arintan ay cabasho badan oo cadaalo dara ahi ka jirtaa qaar kamid ah hugaamiyayaasha dhaqanka, waana arin aad u culus oo keeni karta xisaabtan beeleed.
 
Bal aan eegno xiisada muranada garowe sida loogu kala baxo iyo halka ay isugu biyo shubandoonto, waxaana haboon in la ogsoonaado, oo lalasocdo, xigmada sugan ee weedhan, (ISHA DADWEYNUHU DHALIIL BAY ARAGTAA).
 
Faallo Qore: Dr:Haaruun Hassan, Garowe

webmaster@ceegaag.com