Maqaalkani waxaa laga yaabaa, marka aad akhriso, in aad is tidhaaho,Tolow maxaa ku kalifay in uu soo gudbiyo, oo muu iska dhaafo.

Ma aha kaligaa, ee aniga Qudheeyda ayaa is weeydiiyay, kana seexan waayay, Murugadiisa, Kadib waxaan go`aansaday, in aan shacabka soomaaliyeed, usoo gudbiyo

Hadii aan usoo dhaadhaco Dulucda mowduuca Iyadoo maalin walba aduunyadu, ay ka dhacaan wax yaalo, aad la yaabto, ayaa hadana waxaa dhici karta wax ku cabsi galiya, oo aad ka murugooto, waliba aad ka wal washo.

Sanadii 2005-tii, Wiil soomaliyeed, oo aanu wada dhigan jirnay, Machad Diraasaat-ka islaamka, Lagu dhigo oo ku yaala dalka yaman,  laguna magacaabo Dar-al xadiith,

wiilka magaciisu waxaa la yidhaahaa, Cabdi raxman yuusuf xaaji axmed

Wuxuu ahaa, wiil fahmad badan, wuxuu ahaa casharada nagu adkaada, mid noogu celiya, Wuxuu ahaa, 24-jir, Wuxuu ahaa nin aad u neceb, Qabiilka, Wuxuu ahaa Wiil hadal cad cad, Wuxuu ahaa Nin isku deya Soomalidii aanu machadka ku dhiganeeynay, Ee 43-da ahayd, in uu u noqdo afhayeen,

Machadkii makrii aanu dhameeysanay 2006-dii, Wuxuu ka mid ahaa, Dhalinyaradii aan kusoo noqon, somaliya, oo wuxuu Ku hadhay, Yemen.

Anigu waxaan ka mid ahaa, ardaydii wadanka dib ugu soo noqotay, waxa aanu ka wada xidhiidhi jirnay, barta internet-ka, maadaama aanu saaxiib khaas ah ahayn.

Bishan aynu ku jirno markii ay ahayd, 3. ayaanu isugu soo galnay, barta intertnet-ka, anigoo markaa MSN-ka ka maqan, wuu ila hadlay, wuxuuna igu yidhi, waxaan kugu salaamay, Adanow Salaanta masiixa ee barkeeeysan, iiga waran wadankii iyo reerihii??

Markii aan la hadli waayay, ayuu ka baxay, Msn-ka, kadib markii aan kusoo noqday, ayaan waxaan ku arkay, Fariintan, naxdinta leh, ee dhex taala msn-ka.

Waan yaabay oo waan argagaxay, miraayadii Computer-ka, ayaan indhaha kusoo dhoweeyay, anigoo hubsanaya, ninkani ma cabdiraxman baa mise??? Waxaana ii cadaatay, in ninkaasi yahay saaxiibkeey cabdiraxamn!!!

Labo casho ka dib ayaanu isugu soo galnay, MSN-ka, Si naxariis leh ayaan u idhi, war cabdiraxman, Salamu caleeykum?

Waxa uu iigu jawaabay, waxaan jecelaan lahaa in aad igu salaanto salanta ee masiixa ee barakeeysan, kuna soo dhowoow, Diinta masiixa ee barakeeysan.

Sheekadii na dhex martayna sedan ayay ahayd,

ADAM.                 Saaxiib, miyaadan cabdir raxman yuusuf ahayn?

ABDIRAHMAN:  Waan ahay

ADAM:                 Oo maxaa kugu kalifay, in aad diinta ka baxdo?

ABDIRAHMAN:  Diinta nabi muxamed, waxaan u daayay carab.

ADAM.                 diinta ma carab baa iska leh?

ABDIRAHMAN:  Saaxiib, waxaan mar labaad ku odhan lahaa kusoo dhowoow, masiixa barakeeysan.Hadalka 

                              badan, iska dhaaf

ADAM.                 Haaye laakiin, waxaa taasi ka horeeysa, marka hore in aad ii sheegto, waxa kugu kalifay, kadib

                             ayuu hadalkaasi jiri karaa, ama aad I odhan kartaa kusoo dhowow diinteyda,

ABDIRAHMAN.  Saaxiib, magaceeygu, horta Dib ha u qaldin, oo ha I odhan, cabdi raxman ee waxaad I tidhaahaa,

                                cabdi masiix.

Intaa markii aanu is weeydaarsanay, ayuu ka go`ay internet-ka, Runtii arintaa waxa ay igu noqotay, mid aan aad ula yaabo, ina cabsi galisay, Laba sababbood dartood,

Waa mida koowaade, ninkan oo aanu aad saxiibo u ahayn, Iyo isaga oo waliba ahaa nin Sheekh ah, oo aan cidi khaldi Karin, isagoo u badheedha ama xanuun waali ah haleelo mooyaane .

Waxaan isku deyay, in aan xidhiidh La sameeyo, Dhalinyaro ay saaxiibo ahaayeen oo yamen jooga, waxaanay ii xaqiijiyeen, in aanu xanuunsaneyn, iyaguna aanu waxa uu aaminsanyahay aanu u muujin, Masaajidna aan lagu arag bilihii ugu dambeeyay.

Hadaba akhirstow, Sida aynu ognahay Ree galbeedku, waxa ay mar walba ku dadaalan sidii umada muslumka ah loo leexin lahaa, iyagoo, Siyaabo kala duwan ay ugu soo gabanayaan, hadii ay ahaan laheyd, dhaqaalo iyo wixii la mid ah. Waxaa kaloo xusid mudan, in uu jiro, Website af soomaali ah, oo arintan dhiirra galiya loona Aasaasay, Kor u qaadista Diinta, Masiixa, iyo Idaacad ku baxda af-ka soomaaliga, oo soo gasha 7:00 PM fiidnimo, ma doonayo website-ka iyo idaacada toona in aan magacooda sheego

Waxaan ku soo gaba gabeeynayaa,  in uu yidhi ALLAH  JALAT CADAMATUH, ( Ruuxa diintiisa ka noqda, , oo dhinta isaga oo aan towbat la iman acmashiisu way burtay, aakhirana naar ayuu kuu waadhayaa)

Shareecduna waxa ay qabtaa in la dilayo, Qofka murtadka ah, ee diintiisa ka noqda

W.Q. Adam cabdulaahi

Hargeisa. Email. Adandeq2@gmail.com