Alpha Oumar Konari ''Dowladaha Afrika waa ka gaabiyeen dawrkooda nabad kusoo dabaalidda dalka Soomaaliya''.

(Addis Ababa, January 20, 2008 Ceegaag Online)  

Ururka Midowga Africa ayaa dhaliilay dowladaha Africa ,iyagoona sheegay inay ka seexdeen arimaha Soomaaliya,isla markaana ay sheegeen in ay deg deg looga baahanyahay inay ciidamo ugu diraan gudaha dalka Soomaaliya.

Gudoomiyaha Midowga Africa Alpha Omar Konari ayaa sheegay in dowladaha ka tirsan Midowga Africa ka mid ah isku raaceen in ay ciidamado geynayaan wadanka dagaalada ay ka jiraan ee Soomaaliya ,balse lagu guuldareestay arintaas ayuu yiri.

Konari ayaa sheegay in dowlado ka mid dowladaha African ay ka gaabiyeen doorkii ay ku lahaayeen Arimaha Soomaaliya ,isagoo sheegay in ay dowladaha Africa been ka sheegeen Arimaha Soomaaliya sida uu hadalka u dhigay.

Waxa uu tilmaamay in looga baahan yahay dowladaha Africa in ay ciidamo deg deg ah geeyaan dalka Soomaaliya ,si ay gacan usiiyaan dowlada Faderaalka ee Soomaaliya una badalaan ciidamada dowlada Itoobiya ee hada jooga Magaalada Muqdisho.

Gudoomiyaha Midowga Africa Alpha Omar Konari wuxuu kaloo fariin udirey Madaxda dowlada Federaalka ee Soomaaliya ,ku aadan la xaajoodka kooxaha dowlada Soomaaliya ka soo horjeeda si loo joojiyo xaaladaha ka taagan wadanka.

Sidoo kale Madaxda dowlada Soomaaliya ayuu ka codsaday in ay dabciyaan Barnaamijkooda Siyaasadeed oo ku aadan la hadalka kooxaha dowlada Faderaalka ee Soomaaliya ka soo horjeeda,waxa ayna nala tahay xaalada waxaa wax looga qaban karaa wada hadal iyo tanaasulaad dheeri ah oo ay sameeyaan Madaxda dowldaa Soomaaliya.

www.ceegaag.com

webmaster@ceegaag.com