Ciidamada Dowladda oo howlgal baaritaano ah ka wada Dhismayaal ku yaala degmada Dharkanlay ee Magaalada Muqdisho.

(Muqdisho, January 12, 2008 Ceegaag Online)  

Ciidamada Dowlada kmg ah gaar ahaan kuwa Booliska ayaa saaka waxay howlgalo xooggan ka sameeyeen degmada dharkayleey ee magaalada Muqdisho, iyagoo guri guri baaritaano ugu samaynayay.

Saaka aroortii ayaa waxaa lagu arkay dhamaan wadooyinka iyo xaafadaha degmadaasi ciidamo Boolis ah oo wata gaadiidka dagaalka oo ku sugan meelwalba, kuwaas oo baaritaano ku samaynaya guryaha iyo goobaha ganacsiga.

Howlgaladaan ayaa saaka waxaa ku dhaqaaqay ciidamada dowlada oo qura halka markii hore ay Holgalada wada samayn jireen Ciidamada Dowladda iyo kuwa Itoobiya oo wada socda.

Degmada Dharkanlay waxay ka mid tahay degaanada ku yaala Magaalada Muqdisho oo inta badan aan ka dhicin iska hor imaadyada u dhaxeeya Ciidamada Dowladda iyo kooxaha Nabad diidka ah ee Kacdoonka ka wada Caasimadda Soomaaliya ee Muqdisho.

www.ceegaag.com

webmaster@ceegaag.com