Ciidamada Itoobiya ee ku sugan halka loo yaqaan Jante-kun-dishe ayaa saakay.....

(G. Hiiraan, January 21, 2008 Ceegaag Online)  

Ciidamada Itoobiya ee ku sugan halka loo yaqaan Jante-kun-dishe ayaa saakay howlo baaritaano ah waxa ay ka bilaabeen deegaanka Baar-gadiid oo qiyaastii 17-Km u jira magaalada Baledweyne ee xarunta gobolka Hiiraan.

Ciidamada Itoobiya ee halkaas baaritaanada ka bilaabay ayey dadka ku dhaqan deegaankas sheegeen in aad u hubeysn yihiin, iyadoo aan si dhab ah loo ogeyn ujeedada ka dambeysa in ciidamada Itoobiya ay deegaankaas howlo baaritaano ah ka fuliyaan.

Wararka laga helayo magaalada Baledweyne ee xarunta gobolka Hiiraana ayaa sheegaya in ciidamada Itoobiya ee deegaankas baaritaanada ka sameeyey ay ka dambeysay kadib markii ay soo gaareen warar hoose oo sheegaya in xoogaga taabacsan Maxkamadaha Islaamka ay isku uruursanayaan halkaas.

Illaa iyo hadda ma jiro mas'uul ka tirsan maamulka gobolka Hiiraan oo ka hadlay howlgalka ay ciidamada Itoobiya sakay ka fulinayaan deegaanka Baar-gadiid oo ka tirsan gobolka Hiiraan.

Howlgalkan ay ciidamada Itoobiya halkaas ka sameeyeen ayaa ku soo beegmaya xilli dhawaan xoogag taabacsan maxkamadaha islaamaka ay la wareegeen deegano ku yaala gobolka Hiiraan gaar ahaan Bacda, Jiirta-qabno iyo Matabaan.


Axmed Cadde, Muqdisho. Soomaaliya

 www.Ceegaag.com

webmaster@ceegaag.com