Ciidamada Itoobiya oo howlgalo ka fuliyay Degmada Afgooye ee Gobolka Shabeellaha Hoose.

(Afgooye, January 23, 2008 Ceegaag Online)  

Ciidamada Itoobiya ee ku sugan degmada Afgooye ee gobolka Shabeellaha hoose ayaa halkaasi ka kaxeystay tiri dhalinyaro ah kadib markii ay howlgalo ka fuliyeen qeybo kamid ah xaafadaha degmadaas.

Dadka deegaanka ayaa sheegay in aaney ogeyn sababaha ka dambeeya in ciidamada Itoobiya ay u kexeystaan qaar kamid ah dhalinyarada xaafadaha degmada Afgooye ku dhaqan, iyadoo warar soo baxay ay sheegayaan in qaar kamid ah dhalinyaradii ay ka kexeysteen ciidamada Itoobiya la soo daayey.

Ciidamada Itoobiya ee ku sugan degmada Afgooye ee Shabeellaha hoose ayaa fiidnimadii hore ee xalay gudaha waxa ay u galeen xaafadaha degmada afgooye halkaas oo howlgalo ay ka sameeyeen.

Ma cadda ujeedada ka damebeysa in ciidamada itoobiya ay howlgalo habeenkii ay halkaas ka fuliyaan iyadoo wararka degmadaas laga helayo ay sheegayaan in qaar kamid ah dhalinyaradii ay kexeysteen ciidamad Itoobiya ay weli gacantooda ku jiraan.

Waa markii ugu horeysay ee ciidamo Itoobiya ee ku sugan degmada Afgooye ay dad ka kexeystaan xaafadaha degmadaas.

Xafiiska Wararka ee Muqdisho, Somalia

Axmed Aadan Ibraahim

Ceegaag.com

webmaster@ceegaag.com