|
Ciidamada
Ugandha ee ku sugan Magaalada Muqdi-sho oo qarax lala
beegsaday.
(Muqdisho,
January 26,
2008 Ceegaag Online)
Qarax xooggan
oo ahaa nooca sheedda laga hago ayaa lala beegsaday
ciidamada nabad ilaalinta Amisom gaar ahaan kuwa Ugandha
xilli ay marayeen agagaarka School Polizio ee magaalada
Muqdisho.
Ciidamada Ugandha ee qaraxa lala beegsaday ayaa ka yimid
dhinaca dekadda magaalada Muqdisho waxa ay ku sii jeedeen
garoonka diyaaradaha ee Aadan Cadde International Airport ee
magaalada Muqdisho.
Lama oga khasaaraha gaaray ciidamada Uganadha ee qaraxa lala
beegsaday iyo gaadiidkii ay saarnaayeen, hase yeeshee
ciidamada Ugandha ee la qarxiyey ayaa rasaas afarta jiho u
furay lamana oga ilaa iyo hadda khasaaraha ka dhashay
rasaasta ay fureen ciidamadaas.
Qaraxan lala beegsaday ciidamada Ugandha ayaa ku soo
beegmaya xilli qarax kale oo aad u xooggan lala eegtay
kolonyo gaadiid ah oo galbineysay wafdi ajanabi ah oo
marayey meel ku dhow Shineemo Ceel-gaab halkaas oo waxyeelo
dhimasho iyo dhaawac leh ay ka soo gaartay ciidamo ka tirsan
kuwa Dowladda Federaalka iyo dad rayid ah.
Xafiiska
Wararka Ceegaag Muqdisho, Somalia
Axmed Aadan
Ibraahim
Ceegaag.com
webmaster@ceegaag.com |
