Ciidamo ka wada tirsan Dowladda Federaalka oo ku dagaalamay deegaanka Leego ee gobolka Sh/hoose.

(Leego, January 29, 2008 Ceegaag Online)

Dagaal ayaa labo ciidan oo ka wada tirsan Dowladda Federaalka ku dhexmaray deegaanka Leego oo ku dhow degmada Wanla-weyn ee Gobolka Sh/hoose.

Dagaalkan ayaa yimid kadib markii labada ciidan ay ku murmeen cidda maamuleysa Bar kooltarool oo ku taala deegaankaas, waxaana murankaas kadib halkaasi ka qarxay dagaal muddo socday oo waxyeelo dhimasho iyo dhaawac ah sababay.

Mid kamid ah askarta dowladda federaalka ayaa ku geeriyooday dagaalkaas halka ay ku dhaawacmeen labo kale oo kamid ah ciidamada dowladda.

Guddoomiyaha Tuulada Leego ayaa sheegay in deegaankaas laga saaray ciidamo isaga taabacsaaa oo la wareegeen ciidamo kale isagana uu hadda ku sugan yahay meel duleedka ka ah deegaanka

Xaaladda deegaanka ayaa hadda ah mid dagan, waxaas jira abaabulo dagaal oo ay wadaan dhinacyadii ku dagaalamay halkaas.

Dhawaan ayey aheyd markii ciidamo ka wada tirsan dowladda federaalka ay ku dagaalameen degmada Wanla-weyn ee gobolka Sh/hoose, waxaana dagaalada badanaa dhexmara ciidaamda ka wada tirsan dowladda ay sallka ku hayaan maamulidda baro koontarool oo lagu qaado lacago.

Xafiiska Wararka Ceegaag Online Muqdisho, Somalia

Axmed Aadam Ibraahim

axmedmadoobe@hotmail.com

webmaster@ceegaag.com