Dagaal Saaka waabarigii ka bilowday Gudaha Magaalada Boosaaso.

                                               (Boosaaso, January, 10 2008 Ceegaag Online)   

Dagaal saaka waaberigii ka qarxay magaalada Bosaso una dhexeeya Maleeshiyo ku lug lahayd afduubka laba haween ah oo u shaqaynayay Hay'adda MSF Spain iyo ciidamada amaanka Puntland oo in mudaa ku daba jiray ragaasi ayaa saaka waabarigii si xoogan u gigilay magaalada Boosaaso.

Dagaalka ayaa markii hore ku bilowday ciidamada amaanka oo isku gadaamay guri ay ku jireen kooxihii ka dambeeyay afduubkii labadii gabdhood ee ushaqaynayay Hay'adda MSF Spain.

Ciidamada Puntland ayaa hadda adeegsanaya gaadiid dagaal oo kor u dhaafaya 15 gaari oo ay ku rakiba yihiin qoryaha waawayn iyo kuwa dhashiikaha loo yaqaan iyadoo kooxda dagaalka kula jirta Ciidamada amaanka la xaqiijiyay inay yihiin koox siwayn u abaabulan oo masuul ka ahayd afduub loo gaystay dad ajanabi ah oo ku sugnaa gudaha Puntland.

ilaa haatan lama oga qasaaraha dhabta ah ee ka dhashay dagaalkaasi haatan kasocda Gudaha Magaalada  Boosaaso inkastoo ay jiraan dhaawac la geeyay Cisbitaalka Magaalada Boosaaso.

Wixii kasoo kordha kala soco Ceegaag Online

webmaster@ceegaag.com