Dagaal u dhexeeya labo beel ayaa ka dhacay deeg-aanka Yaaqbari weyne oo ku dhow degmada Wanla-weyn ee gobolka Sh/ hoose.

(Muqdisho, January 24, 2008 Ceegaag Online)  

Inta la xaqiijiyey labo qof ayaa ku dhaawacantay dagaalkaas, iyadoo dagaalku uu yahay mid salka ku haya isqab-qabsi dhul oo in muddo ah u dhexeyey labada beel.

Maleeshiyo beeleedyada ku dagaalamay deegaankaas ayaa la xaqiijiyey in ay mar kale abaabulo dagaal ka wadaan deegaankaas iyo nawaaxiga ku teetsan.

Waxgarad ka soo kala jeeda dhinacyada ku dagaalamay halkaas ayaa wada dadaalo ay ku doonayaan in ay ku qaboojiyaan xiisadda, iyadoo dagaal beeleedka u dhexeeya labada dhinac uu yahay mid soo noqnoqday.

Dagaalada u dhexeeya maleeshiyo beeleedyada ayaa badanaa ah kuwa salka ku haya aanooyin qabiil, murano la xiriira dhulal, beero iyo ceelasha biyaha laga cabo.

Xafiiska Wararka ee Muqdisho, Somalia

Axmed Aadan Ibraahim

Ceegaag.com

webmaster@ceegaag.com