Dagaal xoogan oo la isku adeegsaday Hubka Nooc-yadiisa kala duwan oo ka dhacay Gobolka Hiiraan.

(Beledweyne, January 24, 2008 Ceegaag Online)  

Dagaal aad u xooggan ayaa Ciidamada Dowladda iyo kuwa Itoobiya oo isku dhinac ah iyo Kooxo Hubeysan waxa uu ku dhexmarayaa qeybo kamid ah Gobolka Hiiraan.

Dagaalka ayaa bilowday kadib markii Kooxo Hubeysan ay saakay waabarigii weerar ku qaadeen halka loo yaqaan Kala beerka oo fariisin u ah ciidamada dowladda Federaalka iyo kuwa Itoobiya.

Dagaalka oo ah mid aad u qaraar ayaa la isku adeegsaday hubka noocyadiisa kala duwan ayaa waxaa si weyn looga maqlayaa qeybo ka mid ah Gobolka Hiiraan.

Lama oga khasaaraha dhabta ah ee kala gaaray dhinacyada halkaas ku dagaalamay, waxaase dad ku dhow halka uu dagaalku ka socdo ay xaqiijiyeen in uu jiro khasaare kala gaaray labada dhinac kaas oo aan si dhab ah loo ogeyn inta uu gaarsiisan yahay.

Dagaalka ayaa ku baahay qeybo hor leh, iyadoo deegaano ay kamid yihiin Jiirta-qabno iyo Buunada Saalax Jeere ay ka socdaan dagaallo kale.

Weerarkan lagu qaaday ciidamada Itoobiya iyo kuwa Dowladda, ayaa ah kii ugu horeeyay ee maalin cad ay ku qaadaan kooxaha ka horjeeda Siyaasada Dowladda Federaalka iyo Joogitaanka Ciidamada Itoobiya ee Somalia.

Xafiiska Wararka ee Muqdisho, Somalia

Axmed Aadan Ibraahim

Ceegaag.com

webmaster@ceegaag.com