Dibadbaxyo lagu taageerayo sii deynta Nabadoon Axmed Diiriye Cali ayaa maanta ka dhacay Magaal-ooyinka Muqdisho iyo Cadaado.

(Muqdisho, January 28, 2008 Ceegaag Online)

Dad aad u badan oo taageerayey sii deynta Nabadoon Axmed Diiriye Cali ayaa socod ku maray wadada isku xirta Tarabuunka ilaa KM4 ee Magaalada Muqdisho.

Dadkan oo u badnaa Haween iyo caruur ayaa waxa ay si weyn u soo dhaweeyeen sii deynta xubno uu kamid yahay Axmed Diiriye Cali, waxaana dadkan Amaan udireyn Ra'iisal Wasaare Nuur Cadde oo ay ku amaanen gacantii balaarneyd ee uu ka gesytay sii deynta xubnihii ka mid ah golaha dhaqanka Beelaha Hawiye.

Dhinaca kale boqolaal dad ah ayaa isugu soo baxay bartamaha magaalada Cadaado kuwaas oo ku dhawaaqayey erayo ay ku soo dhaweynayaan sii deynta Axmed Diiriye Cali oo muddo ka badan labo Bilood ku jiray xabsi.

Dibad baxyaasha ayaa socod dheer kadib isugu tagay fagaare ku yaal magaalada Cadaado halkaas oo markii dambe ay ku soo gabagabeeyeen dibad bixii ay ku taageerayeen sii deynta Axmed Diiriye Cali iyo xubnihii kale.

Axmed Diiriye iyo xubno kale ayaa maalintii shalay aheyd laga sii daayey xabsiyo ku kala yaal meelo kala duwan, iyadoo shir jaraa'id oo uu qabtay kadib sii deyntiisa Axmed Diiriye Cali uu u sheegay in uu si weyn ugu mahad celinayo Ra'isul wasaaraha dowladda Federaalka Nuur Xasan Xuseen Nuur Cadde oo kaalin weyn ka qaatay sii deyntiisa.

Dibadbaxaan ayaa yimid kadib maalin uun markii lasii daayey xubno kamid ahaa golaha dhaqanka Hawiye oo uu jiro Axmed Diiriye oo ah afhayeenka golahaas.

Xafiiska Wararka Ceegaag Online Muqdisho, Somalia

Axmed Aadam Ibraahim

axmedmadoobe@hotmail.com      

 

webmaster@ceegaag.com