Dowladda Koonfur Africa oo qabqabatey dad u kala dhashay Wadamada Soomaali, Bangladesh iyo Pakistan.

(Johannesburg, January 25, 2008 Ceegaag Online)  

Afhayeen u hadlay Booliska Gobollka Limpopo ayaa sheegay maanta in ay gacanta ku soo dhigeen rag dambilayaal ah oo isugu jira Soomaali, Bangladeshi iyo Pakistani, ragan oo tiradooda lagu sheegay 16 rag ah 9 ay yihiin Bangladeshi 4-Soomaali ah iyo 3-Pakistani ah ayaa waxaa lagu qabtay iyagoo sii sharci daro ah u soo galinaya Dalka Koonfur Africa qaxooti fara badan oo ay ku jiraan dad Soomaaliyeed.

Afhayeenka oo sheegay in ay Ragan yihiin  Muqalasiin waxaana la qabtay iyagoo  la socday Gaari Taxi ah oo ku waday dad qaxooti ah kk ka yimid Wadamada Bariga Africa.

Afhayeenka ayaa sheegay in Ragaan hada kujiraan Xabsi ku yaala Gobolka Limpopo oona Maxkamad la soo taagi doono Ragan caadeystay in ay hadh iyo jeer ka ganacsadaan dadka qaxootiga.

Ma’ahan markii ugu horeysay ee la qabto rag noocan oo kale ah iyadoo muddo hada laga joogo labo bilood sidan oo kale gacanta lagu soo dhigey rag ka ganacsada dadka soo galoowga ee ka kala yimaada wadamada Africa.

Dhinaca kale wadankan Koonfur Africa ayaa bilihii ugu dambeeyay waxaa ku soo qulqulayay qaxooti badan oo Soomaali ah qaxootigaas oo dhibaatooyin badan kala kulma safarkooda iyagoo ugu dambeyntiina soo gaara dalka koonfur Africa.

Dalka koonfur Africa ayaa adkeeyay xuduudaha uu la wadaago dalalka Mozambique, Zimbabwe iyo Botswana iyagoo xududahaas ay ka soo galaan dadka qaxootiga ee ku so qulqulaya guud ahaan wadanka koonfur Africa.

Xafiiska Wararka ee Magaalada Johannesburg

Hassan yeey

Johannesburg, South Africa.

yeey18@hotmail.com

webmaster@ceegaag.com