Gaari ay leeyihiin Ciidamada dalka Itoobiya ayaa Miino kula Qaraxday agagaarka Isgoyska Fagax.

(Muqdisho, January 16, 2008 Ceegaag Online)  

Gaari ay lahaayeen ciidamada Itoobiya ayaa goor hore ee saaka Miino kula qaraxday meel aan sidaa uga fogeeyn isgoyska Fagax sida ay sheegayan dad goobjoogayaal ah oo arkayay markii gaariga Miinada la kacday.

Dadka degaanka Fagax ayaa waxay sheegayaan in gaarigaasi gabi ahaantiisa uu bur buray oo ay hoos yaaleen qaar ka mida ciidmada Itoobiya ee gaariga saarnaa lamana oga inta uu la egyahay qasaaraha dhimasho iyo dhaawac ee soo gaaray askartii gaariga la socday.

Sida dadka goobjoogayaasha ay sheegayaan guud ahaan ciidamadii saaraa gaarigaasi kama bad baadin qarax lala eegtay.

Ciidamada Itoobiya ayaa isku wareejiyay nawaaxiga Isgoyska, iyagoo rasaasna ridayay, waxayna bilaabeen inay ugaarsadaan dhamaan wixii dad ah oo goobtaas ka dhawaa, waxaana la soo sheegaya in Isgoyska Fagax aan wax gaadiid ah maraynin xilligan.

Qaraxan ayaa la sheegay inuu ahaa mid aad u xoogan oo meel fog ah laga hagayay, waxaana qaraxa lala beegsaday Ciidamada Ethiopianka uu noqonayaa kii u horeeyay ee khasaare lixaad leh lagu gaarsiiyo Waqooyiga Magaalada Muqdisho oo ah Meelaha ay u arkaan in ay ka yara xasilan tahay Koonfurta.

www.ceegaag.com

webmaster@ceegaag.com