Jaaliyada Soomaaliyeed ee ku dhaqan Wadanka Holland oo deeq Raashin ah soo gaadhsiiyay dadka ku barakacay Dagaalada Muqdisho.

(Afgooye, January 04, 2008 Ceegaag Online)

Deeqdani oo isugu jirtay raashiin iyo lacag ayaa  Jaaliyadda Soomaaliyeed ee ku dhaqan  Dalka Holland  soo gaarsiisay ayaa loogu talagalay in loo qeybiyo Dadka  ku dhibateysan inta u dhaxeysa Magaalooyinka Muqdisho iyo Afgooye.

deeqdan ayaa la gaarsiiyay  illaa 3-kaam, waxaana 3-daasi kaam ay ahaayeen kuwa mudan in wax loo qeybiyo waayo dadka ku nool kaamamkaas ayaa ahaa kuwo  aad iyo aad u dhibaataysan

Ma ahan deeqdii ugu horeysya oo Jaaliyadaha Soomaaliyeed ay soo gaarsiiyaan dadkii ka barakacay Magaalada Muqdisho ee iyagu badankooda degay inta u dhaxeysa Muqdisho iyo Afgooye, waxaana horey sidani oo kale deeqo kala duwan u soo gaarsiiyay dadkaasi Jaaliyadaha Soomaaliyeed ee qurbaha kudhaqan si ay walaalahooda ugala qeyb qaataan dhibaatooyinka ku heysta goobaha ay degan yihiin.

www.ceegaag.com

webmaster@ceegaag.com