Jendayi Frazer "Xukuumadda Nuur Cadde, Tallaa-booyin muhiim ah ayay qaaday, waana in la taageeraa" .

(Addis Ababa, January 31, 2008 Ceegaag Online)

Kaaliyaha Xoghayaha arrimaha Dibedda Maraykanka, Jendayi Frazer, oo ka mid ahayd shir guddoonka kulan ay kooxda xiriirka Soomaaliya ku yeesheen xarunta Midowga Africa maanta, ayaa sheegtay in kulankooda uu muhiim yahay maadaama ay ka socdaan Soomaaliya isbadalo xal lagu gaari karo.

Jendayi Frazer waxa ay sheegtay in kullankooda shirka midowga Africa uu saamixi doono in ciidamo dheeraad ah oo ka socda midowga Africa la geeyo Soomaaliya.

Jendayi Frazer waxa ay tiri maahan oo keliya in shirka kooxda xiriirka soomaaliya uu shirkooda uu muhiim u yahay oo kaliya ee waxaa kaloo muhiim u yahay, iyadoo horumar wanaagsan uu ka jiro Soomaaliya sida magacaabidda Ra'iisul Wasaare Nuur Xassan Xuseen iyo magacaabidda golihiisa cusub.

Waxa ay intaa raacisay in arinta ugu muhiimsan ay tahay arrinta nabadgalyada, guutada ciidamada Burundi ee la geeyay Soomaaliya, oo tirada ciidamada Amison ka jooga Soomaaliya oo ahaa 1500 gaarsiiyay ilaa laba kun iyo shan boqol.

Jendayi waxa ay sheegtay inay eegayaan oo rajaynaynaan in kulanka midowga Africa ay jiri doonaan wadamo hor leh oo lagu biiriyo ciidamada Amisom ee jooga Soomaaliya

www.ceegaag.com  

webmaster@ceegaag.com