Madaxweyne C/llaahi Yuusuf ayaa saaka si kadis ah ugu duulay Magaalada Addis Ababa ee Xarunta Dalka Ethiopia.

(Baydhabo, January 04, 2008 Ceegaag Online)

Madxaweynaha Dowladda Federaalka Soomaaliya Md. C/llaahi Yuusuf Axmed ayaa maanta si deg deg ah ugu duulay Magaalada Addis Ababa ee Caasimada Dalka Ethiopia  si uu halkaas ugu soo maro baaritaan Caafimaad.

Saaka Aroortii ayay diyaarad xamuul ah waxa soo caga dhigatay garoonka diyaaradaha magaalada  Baydhabo waxay durbadiiba qaaday Wafdi uu Hogaaminayay Madaxweyne C/llaahi yuusuf.

Wakaaladaha Wararka ayaa siyaabo kala duwan ubaahiyay xaalada Madaxweynaha oo saaka si kadis ahugu duulay Magaalada Addis Ababa inkastoo Safiirka Ethiopia u fadhiya Somalia uu carabka ku dhuftay in uusan Madaxweynuhu baaritaan caafimaad u iman Dalka Itoobiya.

Wararaka qaar ayaa sheegayo in Madaxweyne C/llaahi yuusuf uu isla maanta ka duulay Magaalada Addis Ababa saacadaha soo socdana uu gaari doono Magaalada London isagoona geli doono isbitaal kuyaal wadanka Ingisriiska, dhawaan ayay ahayd markii uu Madaxweynuhu kasoo laabata Isbitaalka London.

Madaxwayne C/laahi yuusuf ayaa ka mida dadka loo badalay Beerka kuwooda ugu Cimriga dheer, ayaa lafilayaa inuu degdeg ugu soo noqon doona dalka si loo sii amba qaado hawlaha dawlada oo haatan maraya meel xasaasi ah

www.ceegaag.com

webmaster@ceegaag.com