Madaxweyne C/llaahi Yuusuf Axmed oo sheegay inuu markale isku soo taagidoono Jagada Madaxweynaha ee dhicidoonta sanadka 2009-ka

                                                   (London, January, 08  2008 Ceegaag Online)  

Madaxweynaha Dowladda Federaalka Kmg Mudane C/llaahi Yuusuf Axmed oo arrimo Caafimaadkiisa la xiriira u jooga Magaalada London ayaa waxaa uu ka dhawaajiyay inuu isku soo taagidoono Jagada Madaxtinimada Soomaaliya  ee dhici doonta Sanadka 2009-ka marka uu dhamaado waqtiga Dowladda Federaalka Soomaaliya.

Madaxweyne C/llaahi Yuusuf ayaa sheegay in xaaladiisa caafimaad ay wanaagsan tahay, isagoo sheegay inuu damacsanyahay in markale uu isku soo taago Jagada Madaxtinimada ee la qaban doono sanadka 2009-ka waxa uuna carabka ku dhuftay inuusan jirin shaqsi ka mudan Xilka loo tartamayo dadkuna ay dooran doonaan.

Madaxweyne C/llaahi Yuusuf oo wareysi siiyay Idaacadaha gudaha  Soomaaliya qaarkood ayaa  muujiyay waxqabnad fiican inuu qabtay tan iyo markii la doortay "waa jiri karan dad i dhaliila laakiin anigu nin ahaan waan isku kalsoonahay"ayuu yiri madaxwayne  Yuusuf.

www.ceegaag.com

webmaster@ceegaag.com