Madaxweyne C//laahi Yuusuf oo sheegay in uu si dag-dag ah Magaalada Muqdisho ugu soo Laaban doono.

(London  January 26, 2008 Ceegaag Online)  

Madaxweynaha Soomaaliya Mudane C/llaahi Yuusuf Axmed oo Howlo Caafimaad wali u jooga Magaalada London ayaa mar kale ku celiyay in Caafimaadkiisu uu wanaagsan yahay, isla markaana si deg deg ah ugu laaban doono Magaalada Muqdisho.

Madaxweynaha ayaa sheegay in marka la siiyo cadeynta baaritaanka Caafimaadka uu Muqdisho tagi doono, wuxuuna xusay inuu yahay wali mid howshiisa mid ka badan qaban kara sida uu yiri.

"Adeer Uma maleynayo in laga daalayo Howl Qaran, anigana waxaan hayaa Howl Qaran, dhaar baan u maray, hadee Somaliya waxaan ugu laabanayaa waa inaan sii wado howsheyda"ayuu yiri Madaxweynaha oo hadalo kaftan ah ku hadlayay mar uu wareysi siiyay Idaacada Codka Mareykanka ee VOA-da.

Waxa uu sheegay in ay jiraan Kooxo buun buuniyay in caafimaadkiisa uu liito, hase ahaatee waxa uu xusay in kuwaasi ay yihiin kuwo Caafimaadkiisa aan dooneyn.

Todobaadyadii la soo dhaafay ayay warbaahinta Caalamka siyaabo kala duwan uga hadlayeen Caafimaadka Madaxweynaha, kadib markii labo jeer uu ku noqday Magaalada London oo aheyd halka uu joogo Dhakhtarkiisa gaarka ah.

www.ceegaag.com

webmaster@ceegaag.com