Mareykanka Oo Gaashanka u daruurtay Aqoonsi ay siiso Maamulka Somaliland.

(Washington January 18, 2008 Ceegaag Online)  

Dowalada Mareykanka ayaa sheegtay in aysan aqoosi buuxa siinayn xiligan maamulka la magac baxay Somaliland oo ilaa iyo 1991 raadineeysay madaxbanaani ayna sheegtay in Somali inteeda kale ay ka goday.

Kadib booqasho uu ku tagay Magaalada Washington ee Xarunta wadanka mareykanka Madaxweynaha Maamulka Somaliland Daahir Riyaale Kaahin ayaa waxaa uu kulamo kala duwan la qatay madax sar sare oo ka mida waaxda Amaanka wadankaasi iyo kaaliyaha xoghaya arimaha dibada wadanka mareykanka u qaabilsan Arimaha Africa haweeneyda lagu magacaabo Jendayi Frazer.

Kulankaasi kadib ayaa waxaa warbaahinta uga war bixiyay Afhayeen u hadlayay Dowlada Mareykanka oo lagu magacaabo Sean McCormack waxaana uu sheegay in  kulanka ay la qaateen Daahir Riyaale uunan aheyn mid lagu aqoonsanayo oo aqoonsi buuxa lagu sinayo maamulkaasi.

Sidoo kale waxaa uu intaa ku daray Sean McCormack in midowga Africa looga baahan yahay in uu daraaseeyo qaabka loo siin lahaa aqoonsi buuxa kadibna laga yaabo in mareykanka uu u aqoonsado maamulkaasi mid ka madax banaan Somali inteeda kale.

Daahir Riyaale Kaahin ayaa waxaa uu wadamo uu Mareykanka ka mid yahay u tagay baadi goob la xiriira aqoonsi la siiyo maamulka uu hor kacyo ee Somaliland.

Arimahani ka soo If baxay Dowladda Mareykanka ayaa waxaa uu ku beegmayaa xili dibad bax lagu taageerayo gooni isu taaga Maamulka Somaliland uu shalay hareeyay magaaloyinka hoos taga dhulka uu ka arimiyo maamulkaasi.

www.ceegaag.com

webmaster@ceegaag.com