|
Qarax Miino ah
oo xalay ka dhacay Xaafada Afraad ee Magaalada Jig-Jiga.
(Jig-Jiga,
January 03,
2008 Ceegaag Online)
Xalay goor
dambe ayaa Magaalada Jig-Jiga waxaa gil-gilay Qarax xoog
badan, Qaraxan ayaa laga maqlayay dhamaan xaafadaha
Magaalada Jig-jiga.
Qaraxan oo
Miino ahaa ayaa lala beegsaday Baabuur ay Ciidamada
Dowladdu leeyihiin Ciidamo Boolis ahna ay saarnaayeen oo
marayay wado ka mid ah Xaafada Afraad taas oo sababtay in
Ciidamo tiro badan lagu soo daadiyo dhamaanwadooyinka
Magaalada iyo waliba kuwa xaafadaha dhexdoodaba.
Qaraxan ayaa
ka dhacay Xaafada Afraad meel wadada laamida badhtankeeda oo
u dhaxaysa Iskuulka Sheekh Abdisalan iyo guryaha Qodobaha
Xaafada Afraad, wax yar kadib qaraxa ayaa rasaas goos goos
ah laga maqlayay aaga uu qaraxu ka dhacay, waxaase la
filayaa inay ciidamadu rasaas ay ku jeediyeen dhankii qaraxu
ka xigay.
Qaraxan ayaa
waxaa ku dhaawacmay sadex ka mid ah Ciidamada Booliska,
Dadkan dhaawacmay ayaa markiiba loola soo cararay
Cissbitaalka Karamardha ee Magaalada Jig-Jiga.
Ilaa hada
lamana oga cida ka dambeysay weerarkan Dowladduna waxa hadal
ah ilaa hada kamay soo saarin cid loo soo qabtayna ilaa hada
majirto, inkastoo qaraxan xalay uu sii kordhiyay Cabsidii ay
Shacabka magaaladu ka qabeen dilalkii isdaba jooga ahaa ee
dhawaanahan magaalada dhexdeeda laga fuliyay, iyo xaalada
Amaanka oo faraha kasii baxayso.
Todobaadyadii
lasoo dhaafay ayaa waxaa Magaalada Jig-Jiga lagu dilay 4 qof
oo labo ka mid ah ay yihiin Soomaali halka 2 kale na ay
kasoo jeedaan Qowmiyada Tigreega.
Shacabka
Magaalada Jig-Jiga ayaa aaminsan in falalkan ay ka
dambeeyaan ururka OLF (Oromo Liberation Front) ama Onek oo
Labadaba ka tirsan Qowmiyada Oromada si ay qalqal u galiyaan
deegaanka Soomaalida
Mohamed Bashir
Jig-Jiga,
Ethiopia
mamebashir@hotmail.com
webmaster@ceegaag.com |
