|
Qarax Miino ka
dhashay oo lala beegsaday kolonyo Baabuurta Ciidamada
Dowladda Federaalka oo mar-ayay agagaarka Dugsiga 21-Octobar
(Muqdisho January
17,
2008 Ceegaag Online)
Ku dhawaad 2 ruux oo
rayid ah isla markaana marayay wadada dheer ee isku xirta
Dekedda Muqdisho iyo Isgoyska KM4 ayaa lagu soo waramayaa
inay ku dhaawacmeen kadib qarax ka dhashay Miino dhulka lagu
aasay oo lala beegsaday kolonyo baabuurta Ciidamada Dowladda
Federaalka oo marayay agagaarka Dugsiga 21-Octobar ee
Degmada Waaberi.
Sida ay sheegayaan dad
ku sugan Dugsiga 21-Octobar oo ay hadda ay ku nool yihiin
qoysas fara badan Miinada ayaa waxay ahayd mida laga
Maamulo meelaha fog fog, iyadoo Qaraxan uu ahaa mid si weyn
looga maqlay nawaaxiga KM-4
Lama soo sheegin
khasaaraha Miinadaas uu ugeystay Kolonyada baabuurta
Ciidamada Dowladda ee halkaas marayay.
Weerarada
lagu bartilmaameedsado Ciidamada dowlada iyo kuwa Itoobiya
ayaa maalmahan kusoo badanayay magaalada Muqdisho
maalinimadii shalay ayay ahayd markii Isgoyska fagax ay
Miino kula kacday gaari Uraal ah oo ay wateen Ciidamada
Itoobiya ee ku sugan Magaalada Muqdisho.
www.ceegaag.com
webmaster@ceegaag.com |
