Sixir Barar aad u sareeya oo ka jira Magaalada Gaalkacayo.

(Galkacayo, January 15, 2008 Ceegaag Online)  

Sixir Barar aad u sareeya ayaa laga soo sheegayaa Magaalada Gaalkacayo ee Gobolka Mudug, Sixir Bararkani ayaa gaaray heerkii ugu sareeyay marka loo eego waqtiyadii lasoo dhaafay haba ugu darnaadeen Cunnooyinka daruuriga ah ee dadku ay isticmaalahaan maalin kaste oo ay qiimahoodu kor u kaceen.

Ganacsatada Magaalada Galkacayo ayaa ku sheegay kor u kaca qiimaha la kala siisto cuntooyinka daruuriga ah iyo alaabada kale inay ugu wacan tahay lacago been abuur ah oo si xad dhaf ah u soo galay Magaalada iyadoo hoos u dhigtay ganacsigi lixaadka leh ee ka jiray halkaas.

Dadwaynaha ayaa si wayn uga cabanaya sicir bararka soo food saaray waxayna ka codsadeen ganacsatada inay u naxariistaan dadka dan yarta ahee ku nool magaalada Gaalkacyo

Lacagahan been abuurka ah ayaa intooda badan waxaa lagu farsameeyaa mashiino yaala Magaalada Boosaaso waxayna saamayn ku yeesheen nolosha dadka dagan Gobolada kale ee ka tirsan Maamul Goboleedka Puntland.

Magaalada Galkacyo ayaa ah goob ganacsi weyn uu ka socodo xuduna u ah isku xirka Gobolada waqooyi iyo kuwa koonfureed iyadoo aad ku arki kartid noocyada kala duwan cunnooyinka Daruuriga ah ee ay dadku isticmaalaan.

www.ceegaag.com

webmaster@ceegaag.com