Ururka Jaamacada Carabta oo si Diiran usoo dhawe-eysay Xukuumadda Cusub ee RW Nuur Cadde.

(Somalia, January 12, 2008 Ceegaag Online)  

Ururka Jaamacadda Carabta ayaa si weyn usoo dhaweeyay Xukuumadda Cusub ee Ra’iisal Wasaare Nuur Xasan Xuseen (Nuur Cadde) iyagoona uballan qaaday in ay si buuxda ula shaqeyn doonaan Xukuumada Cusub.

Wakiilka Gaarka ah ee Xoghayaha guud ee Jaamacadda Carabta Camar Muuse ugu xilsaaran Arrimaha dalka Soomaaliya Samir Xusni ayaa sheegay in ay ku farxeen hana qaadka Xukuumada Tirada yar isla markaana ay diyaar u yihiin la shaqeyntooda.

Mr Xusni ayaa sheegay in looga fadhiyo Xukuumadda Ra’iisal Wasaare Nuur Cadde in ay meel marsio ballan qaadyadeedii ku aadanaa in ay dib u heshiisiin kusoo dabaasho Guud ahaan dalka isla markaana la hadlaan Mucaaradka kazoo horjeeda Dowladda Federaalka Kmg.

Ururka Jaamacadda Carabta oo xiriir Fiican la leh Dowladda Federaalka ayaa sidoo kale ballan qaaday in ay dhaqaale ku taageeri doonaan Xukuumadda Cusub ee Ra’iisal Wasaare Nuur Cadde.

Dhinac kale Dowladda Mareykanka iyo Midowga Europe ayaa Labadaba soo dhaweeyay Xukuumada Cusub waxaana uu ku baaqay in lasii wado hanaanka lagu doonayo xasilinjta Soomaaliya iyo dib u heshiisiinta si looga gudbo dhibaatooyinka ka tagaan Wadanka Soomaaliya sidii ay u burburtay Dowladdii Maxamed Siyaad Barre.

www.ceegaag.com

webmaster@ceegaag.com