Wafdi ka socda Baarlamaanka Soomaaliya oo maan-ta u duulay dalka Masar.

(Baydhabo  January 26, 2008 Ceegaag Online)  

Wafdi dhawr xubnood ka kooban oo ka socda Baarlamaanka Federaalka Soomaaliya ayaa u duulay xarunta Jaamacadda Carabta ee Magaalada Qaahira sida ay sheegayan wararka saaka naga soo gaaraya Magaalada Baydhabo oo Xarun u ah Baarlamaanka Soomaaliya.

Xubnaha Wafdigan ayaa waxaa hoggaaminaya Guddoomiye kuxigeenka Baarlamaanka Prof Maxamed Cumar Dalxa waxaana ka mid ah xubno Baarlamaanka ka tirsan kuwaas oo Prof. Dalxa ku wehelinaya safarkiisa.

Ujeedada socdaalka Wafdiga Baarlamaanka Soomaaliya ayaa waxay tahay ka qeybgalka kulan Baarlamaanada Islaamka ku yeelanayaan Magaalada Qaahira ee dalka Masar.

Shirkan ayaa ujeedadiisu tahay bal in daraasaad lagu sameeyo xaaladaha ka jira dalalka Islaamka oo Soomaaliya ay ka mid tahay, waxaa kaloo looga hadlaya danaha dalalka Islaamka sida uu sheegay Prof Dalxa

“Soomaalida waxay tiraahdaa qof walba meesha uu dhibsanayso ayuu ka hadlaa anaga ka Baarlamaan ahaan waxaa diirada noo saran dhibka haysta dalkeena, iyo Guud ahaan Dadkeena ”ayuu yiri Prof. Dalxa.

www.ceegaag.com

webmaster@ceegaag.com