Waraaqo digniin ah oo lagu daadiyey gudaha degma-da Buurhakaba.

(Buurhakaba, January 28, 2008 Ceegaag Online)

Waraaqo digniin loogu jeedinayo Maamulka degmada Buurhakaba iyo ganacsatada iibisa waxyaabalaha muqaadaraadka ah ayaa lagu daadiyey gudaha degmada Buurhabkaba ee Gobolka Baay.

Waraaqahan oo aan ilaa iyo hadda  la ogeyn cidda ka dambeysa ayaa warar aan weli la xaqiijin ay sheegayaan in ay sheegteen urur la magac baxay Al-Islaam Fi-Somal    ku daadiyeen gudaha degmada Buurhakaba ayna ku qoreen digniino ay u jeedinayaan maamulka degmadaas iyo dadka ka ganacsada waxyaalaha muqaadaraadka ah.

Maamulka degmada Buurhakaba ayaa ka hadlay waraaqahaas lagu daadiyey gudaha degmadaas, waxaana maamulku ay sheegeen in digniinaha lagu qoray waraaqahaas aaney wax saameyn sidaa u balaaran ku yeelan doonin howshooda shaqo.

Dadka ku dhaqan degmada Buurhakaba ayaa si weyn u hadal haya waraaqaha digniinta ah ee lagu daadiyey degmada Buurhakaba iyadoo dadka halkaasi ku nool ay hadal heynta ugu badan ee maanta ay arintaas la xiriirto.

Horaantii isbuucaan ayaa sidoo kale waraaqo digniin ah lagu daadiyey gudaha degmadaas, iyadoo aan illaa iyo hadda si dhab ah loo ogeyn cidda  ka dambeysa waraaqaha digniinta ah ee lagu daadiyey gudaha degmadaas.

Xafiiska Wararka Ceegaag Online Muqdisho, Somalia

Axmed Aadam Ibraahim

axmedmadoobe@hotmail.com      

 

webmaster@ceegaag.com