|
Waxaa laga
dareemayaa guud ahaan wadanka koon-fur Africa,qaban-qaabada
Koobka Aduunka ee lagu qabandoono South Africa sannadka
2010,
(Johannesburg,
January 23,
2008 Ceegaag Online)
Wadanka
koonfur Africa. ayaa waxaa ka soconaya qaban-qaabo loogu
tala galay in lagu qabto koobka Aduunka ee afartii sanaba
mar lagu qabto wadamada Aduunka wadan ka mid ah, iyadoo
sannadkan nasiib ay u yeelatey dowlada koonfur Africa in ay
martigaliso sannadka 2010.
Hadaba
wadanka koonfur Africa ayaa ah wadan ay aad ku soo
jiidaneyso bilicdiisa marka aad dhex socoto Magaalooyinka uu
ka kaban yahay wadanka.
Dalka South
Africa ayaa wuxuu ka kooban yahay Sideed Gobol iyadoo gobol
kastana laga dhisay dhowr stadium oo loogu tala galay in
lagu qabto Ciyaaraha koobka aduanka ee 2010.
Gobolka
Kuwazulu Natal ee Magaalo-madaxdiisa ay tahay magaalada
Durban ayaa waxaa laga dhisay garoon aad u qurux badan oo
aan hore loogu arag Qaarada Africa, garoonkaas oo ka kooban
dhowr dabaq.
Sidoo kale
magaalada Cape town oo ah magaalo loo soo dalxiis tago ayaa
waxaa laga dhisay garoon qurux badan oo loogu tala galay
Koobka Aduunka ee 2010 lagu qabanayo guud ahaan Wadanka
Koonfur Afrika, waa markii ugu horeysay ee Qaarada Africa
loo caleemo saro in ay martigaliso koobka adunka ee Afartii
sanoba mar lagu qabto wadan ka mid ah Lixda Qaaradood ee
Aduunka,
Wadankan
koonfur Africa ayaa waxaa kula tartamay Martigalinta Koobka
Aduunka ee 2010 wadanka Morroco isagoo cod bixin kaga
guuleystay maadaama loo arkayay Wadankan Koonfur Africa inuu
yahay Wadanka kaliye ee ka soo bixii kara kaliintiis wax
qabad ee ku aadan Ciyaaraha Aduunka.
Dhinaca kale
wadooyinka waa wayn ee uu isku xira guud ahaan wadanka ayaa
waxaad ku arkeysa booraar waa wayn oo Astaan uu ah
qabanqabaada koobka aduunka ee 2010 ee lagu wado in lagu
qabto wadankan koonfur Africa.
Police-ka
koonfur Africa ayaa iyaguna wado dadaal ay ku sugayaan
amniga wadanka iyagoo hore ugu guul dareystay in ay amniga
wax ka qabtaan balse iminka ku dadaalayaan sidii ay Caalamka
u tusilaahayeen in Wadanka Koonfur Africa yahay Wadan
Nabadgalyo iyo Xasilooni buuxdo ay kajirto Diyaarna u yihiin
Qabashada Koobka Aduunka ee dhicidoona Sanadka 2010.
Xafiiska
Wararka ee Magaalada Johannesburg
Hassan yeey,
Johannesburg,
South Africa
yeey18@hotmail.com
webmaster@ceegaag.com |
