|
Weerar loo
adeegsaday Hoobiyaal ayaa lagu qaaday xarunta Villa
Soomaaliya iyo garoonka caalamiga ah ee Magaalada Muqdisho.
(Muqdisho,
January 23,
2008 Ceegaag Online)
Weerar loo
adeegsaday Hoobiyaal ayaa lagu qaaday xarunta Villa
Soomaaliya iyo garoonka caalamiga ah ee magaalada Muqdisho,
xilli ay magaalada Muqdisho soo gaareen wafdi ka socda
Qaramada Midoobay
Ilaa 8-madfac
ayaa lagu kala weeraray Villa Somalia iyo garoonka Muqdisho,
iyadoo inta la xaqiijiyey madaafiicdaas ay ku waxyeeloobeen
seddex qof oo mid kamid ah uu dhaawac ahaan ugu geeriyooday
isbitaalka Madiina ee magaalada Muqdisho.
Weeraradan
Hoobiyaal oo dhacay abaaro 12:40 ee xiliga magaalada
Muqdisho ayaa lagu beegay xilli ay magaalada Muqdisho soo
gaareen wafdi uu horkacayo Gudoomiyaha golaha amaanka iyo
nabad gelyada midowga Afrika Saciid Dijint.
Lama oga
khasaaraha kale ee ka dhashay weerardada Hoobiyaal ee lala
beegsaday xarunta madaxtooyada ee Villa Soomaaliya, illaa
haddana ma jiro cid ka tirsan madaxda dowladda oo ka
hadashay weerarka hoobiyaal ee lagu qaaday labadaas xarumood.
Bilowgii
isbuucaan ayaa sidan oo kale weerar hoobiyaal loo adeegsaday
waxaa lagu qaaday xarunta Villa Soomaaliya, xilli uu halkaas
ku sugan yahay Ra'isul wasaaraha dowladda federaalka Nuur
Xasan Xuseen (Nuur Cadde).
Xoogagga ka
horjeeda dowladda federaalka ayaa weeraro iyo hoobiyaal waxa
ay la bartilmaameedsadaan xarumaha dowladda iyo kuwa
Ciidamada Itoobiya.
Xafiiska
Wararka ee Muqdisho, Somalia
Axmed Aadan
Ibraahim
Ceegaag.com
webmaster@ceegaag.com |
