Xubnaha Dowladda Federaalka ee ku sugan Mag-aalada Baydhabo oo walwal ka muujiyay dilalka qorsheysan ee Magaaladaas ka bilawday.

(Baydhabo, January 13, 2008 Ceegaag Online)  

Prof Maxamed Cumar Dalxa Guddoomiye ku-xigeenka Baarlamaanka Federaalka Soomaaliya ayaa muujiyay sida uga walaac san yahay xaaladda ammaan xumo ee ka jirta Magaalada Baydhabo ee xarunta Dowladda gaar ahaan wuxuu walwal ka muujiyay dilalka abaabulan ee Magaaladaas ka bilawday.

Prof. Dalxa ayaa sheegay in wax laga xumaado ay tahay in qof Muslim ah si bareer ah loo dilo isagoo aan waxba galabsan wuxuuna sheegay in falalka ka dhacaya Magaalada Baydhabo ay yihiin kuwa u baahan in laga hortago.

Wararka naga soo gaaraya Magaaladaas ayaa sheegaya in Xubnaha baarlamaanka, Kuwa Dowladda, xubnaha Maamulka Gobolka, Saraakiisha iyo taageerayaasha Dowladda dhamaantood cabsi ka muujiyeen dilalka abaabulan ee Maalmihii ugu dambeeyay Magaaladaas ku soo kordhay, gaar ahaan dilkii xalay Baydhabo ka dhacay ee loo geystay xubno ka tirsan Culimada Soomaaliyeed.

Wadaadkan oo lagu magacaabo Sheekh Cabdule isla markaana ahaa isku duwaha arimaha diinta iyo Awqaafta ee Gobolka Baay ayaa xalay lagu toogtay gurigiisa oo ku yaala magaalada Baydhabo kadib markii dabley ku hubeysan bastoolado ay soo galeen guriga Sheekha halkaasi oo aay ku toogteen Sheekha iyo sarkaal katirsan Hay’adda Bisha Cas

www.ceegaag.com

webmaster@ceegaag.com