|
Xukuumadda
Dr. Manmohan Singh oo Cod Aqbiliyad ka heshay Aqalka Hoose
ee looga arimiyo Dalka India.
(New Delhi, July
22,
2008 Ceegaag Online)
Ra’iisal Wasaaraha Dalka India Dr.
Manmohan Singh oo isagu ahaa Ninkii Hormuudka u
ahaa Kor u kicida Dhaqaalaha ee Dalkan India sanadkii 1991
xiligaas oo uu ahaa Wasiirka Maaliyada ayaa Caawa waxa ay
Xukuumaddiisu ka badbaaday Mooshin si fiican looga soo
shaqeeyay oo looga taqlusilahaa Dowladda Bah wadaagta ee uu
Hor kacayo Xisbiga INC (Indian National Congress) oo loo soo
gaabiyo The Congress Party.
Ra’iisal Wasaare Manmohan Singh
ayaa si kalsooni leh uga codsaday Madaxweynaha Dalkan India
Smt. Pratibha Devisingh Patel
inuu Aqalka Hoose ee looga arimiyo Dalkan India ee
Lok Sabha hortagidoono si loogu
qaado Codka Kalsoonida taas oo uu Muran badani ka taagnaa
Todobaadyadii lasoo dhaafay kadib markii Heshiis loogu
badalayo Quwada Nuclear-ka Wadanka India ee qaabka rayidka
loo adeegsado ee ay la galeen Dowladda Mareykanka oo uu
dhaliyay Muran soo jiitamay mudo 2 Sanno taasna ay sababtay
inay taageeridii kala Noqdeen Xisbiga Shuuciga oo Dowladda
tiro ahaan dibada ka taageeri jiray.
Heshiiskii Jahwareerka galiyay Xukuumada (UPA)
Bah wadaagta ee Dr. Singh
Dr. Manmohan Singh ayaa
Xukuumadiisa aakhirkii loo qaaday Codka Kalsoonida taas oo
ay ka heshay tiradii looga baahnaa inkastoo ay jireen
eedeemo ay Xisbiga Mucaaradku ujeediyeen intii ay socotay Ka
doodista Mooshinka.
Hogaamiyaha Mucaaradka L.K. Advani ayaa ku amrey 3 ka mid ah
Xildhibaanada Xisbigiisa in ay Aqalka Lok Sabha lasoo galaan
Lacag lagu qiyaasay 10 Million oo Rupees ( $250, 000) taas
oo uu sheegay in Laaluush ahaan loo siisay Xildhibaanada
Xisbigiisa si ay uga baaqsadaan Cod bixinta.
Dhacdadan ayaa noqotay mid Sumcada Wadanka India wax u
dhintay iyadoo Tv-yada dalka oo dhan si Live ah looga
Daawanayay Doodii Codka Kalsoonida loogu qaadayay Xukuumadda
Ra'iisal wasaare Manmohan Singh, iyadoo lagu eedeeyay
Xisbiga Xagjirka ah ee Mucaaradka markii ay ku guuldaresteen
in ay helaan Cod ay Xukunka kaga tuuraan Dowladda Dr.
Manmohan Singh ay Fowdo iyo Fadeexadeyn u dhaqaaqeen.
www.ceegaag.com
webmaster@ceegaag.com |
