Abaabul Ciidan oo ka socda guud ahaan Degmooyin-ka Gobolka Sanaag

(Dhahar, July  09,  2008 Ceegaag Online)

Sida ay wararku nagu soo  gaadhayaan Abaabul ciidan ayaa ka socda guud ahaan Gobolka Sanaag iyada oo ay jiraan qaar ka mid ah magaalooyinkan Gobolka Sanaag oo laga diyaar gareeyay ciidamo beeleedyo kuwaasi oo loo qorsheeyay inay difaacaan Gobolka,warka ayaa intaasi ku daraya inay ciidamadaasi ku hubaysanyihiin Gaadiid dagaal.

Wararka naga soo gaadhaya magaalada Dhahar ee Gobolka Sanaag ka tirsan ayaa sheegay inay ka socdaan dhaq dhaqaaqyo ciidan  kuwaasi oo lagu diyaar gareeyay gudaha magaalada Dhahar.

Xogta aanu ka helayno Dhahar ayaa sidoo kale sheegaya inay ciidamadaasi dhawaan u soo dhaqaaqi doonaan dhanka Magaalada Laasqoray iyo nawaaxigeeda halkaasi oo lagu sheegay inay fadhiisin ciidan ka dhigteen malayshiyo taageersan Maamulka Somaliland.

Dhinaca kale war isna haatan naga soo gaadhay magaalada Xingalool ayaa sheegaya inay dadka deegaanku wadaan Abaabul ay ku diyaar garaynayaan ciidamo ku biira ku Dhahar laga Abaabulay, qof ka gaabsaday magaciisa ayaa saxaafada u sheegay in Koonfurta magaalada Xingalool laysugu geeyay ciidamo beeleedyo aad u hubaysan.

Dhanka kalena warar hoose ayaa iyana sheegaya in ciidamo lagu diyaar gareeyay meesha lagu magcaabo  (Dhagcaan) oo dhinca Bari ka xigta magaalada  Ceelaayo ee Gobolka Sanaag.

Arinkaasi ayaa timid kadib markii ay ciidamada maamulka Gooni isu taaga ah ee Somaliland ay gudaha u soo galeen magaalada Is-taraatijiga ah ee Laasqoray taasi oo si aad ah uga cadhaysiisay waxgaradka Deegaanka.

Xigasho: Laasqoray.net

webmaster@ceegaag.com