Dowladda Canada oo labo markab oo dagaal u soo dirtay xeebaha dalka Somalia.

(Ottawa, July 14,  2008 Ceegaag Online)

Labo markab oo aad u qalabaysan oo ay ciidamo saaran yihiin oo laga leeyahay dalka Canada ayaa xeebaha Soomaaliya soo gaaray kuwaasoo doonaya inay la dagaallamaan kooxaha burcad badeedda Soomaalida oo iyagu maraakiib fara badan ku afduubtay xeebaha dalka Soomaaliya

Sida ay sheegtay Wasaaradda Arrimaha dibadda ee dalka Canada ujeedada ay maraakiibtan ugu soo direen xeebaha dalka Soomaaliya ay tahay sidii ula dagaallami lahaayeen kooxaha burcad badeedda Soomaalida ah ee ka qowleysta xeebaha dalka Soomaaliya, iyadoo sidoo kale dawlada ay sheegtay in ay isku dayi doonto inay soo qab-qabato kooxaha burcad badeedda Soomaalida ah si ay umarsiiso waddada la marsiiyay qaar ka mid ah kooxahaasi oo iminka ku jira xabsiyo ku yaalla dalka Faransiiska isla markaana maxkamad lagu soo taagay.

Dowladda Canada oo sheegtay in kooxahan burcad badeedda inta badan ay ka socdaan Gobolada Koonfureed ee Soomaaliya ayaa waxay intaa ku dartay inay dawlad ahaan ay isku dayi doonto inay gacan ka gaystaan sidii burcad badeeddaasi ay uga ciribtiri lahayeen xeebaha dalka Soomaaliya.

www.ceegaag.com

webmaster@ceegaag.com