Eryidii Max’ed Dheere oo lasoo dhaweeyay iyo Darwiish iyo C/qeybdiid oo iyagana la filayo in la Eryo.

(Muqdisho, July 30,  2008 Ceegaag Online)

Bannaanbax ballaaran oo lagu taageerayo shaqo-ka eryiddii dagaal-ooge Maxamed Cumar Xabeeb (Max’ed Dheere) ayaa maanta ka dhacey deegaanka Ceelasha Biyaha, waxaana dadka bannaanbaxayey ay dalbadeen oo kale in Maxkamad la horgeeyo iyagoo ku eedeynaya inuu mas'uul ka ahaa barakcintooda uuna ugu yeerey inay argagaixiso yihiin.

Shacabka ku dhaqan Magaalada Muqdisho ayaa soo dhoweeyey isbedellada uu wado Ra'iisul Wasaare Nuur Cadde waxaana haatan laga sugayaa inuu sidoo kale shaqada ka cayriyo dagaal oogayaasha kale ee maata-layska ah sida Cabdi-Qaybdiid iyo Gen. Darwiish.

Dadkii Banaanbaxa sameeyay maanta ayaa aad u amaaney Ra’iisal Wasaaraha Soomaaliya Nuur Xasan Xuseen iyagoo ku sifeeyay Mas’uul markii horeba magacaabistiisa ay ku farxeen hadana ay aaminsan yihiin in ay Guryahoodii ay dib ugu noqonayaan maadaama uu meesha ka baxay Max’ed Dheere oo ay ku eedeeyeen in uu ahaa Ninkii kasoo barakiciyay.

www.ceegaag.com  

webmaster@ceegaag.com