Madaxweyne C/llaahi Yuusuf oo saaka ka duulay Garoowe.

(Garoowe, July 29,  2008 Ceegaag Online)

Madaxweynaha Dowladda Federaalka Soomaaliya Mudane C/llaahi Yuusuf Axmed, ayaa saaka aroornimadii hore ka ambabaxay Garoonka diyaaradaha Conoco ee duleedka magaalada Garoowe, safarka Madaxweynaha ayaan la shaacin halka uu Madaxweynuhu ku wajahan yahay.

Socdaalka Madaxweynaha ayaa ahaa mid aan la sii shaacin halka uu ku wajahan yahay iyadoo mas'uuliyiintii la socotay Madaxweynaha iyo kuwa Maamulka Puntland ay ka gaabsadeen in ay ka warbixiyaan safarka Madaxweynaha iyo meesha uu ku wajahan yahay, iyadoo ay jireen warar kala duwan oo safarka Madaxweynaha ku saabsan.

Madaxweyne C/llaahi Yuusuf ayaa waxaa safarkiisa ku wehliya Wasiirka Macdanta iyo Batroolka Maxamuud Maxamed Gaanje, iyadoo ay si fiican usii sagootiyeen Mas'uuliyiin fara badan oo uu ugu horeeyo Madaxweynaha Puntland Maxamud Muuse Xirsi (Cadde Muuse).

www.ceegaag.com

webmaster@ceegaag.com