|
Madaxweyne
C/llaahi Yuusuf oo Muqdisho ku soo laabtey iyo Hoobiyayaal
lagu weeraray oo dad rayid ah ay ku dhaawacmeen.
(Muqdisho, July
04,
2008 Ceegaag Online)
Madaxweynaha Dowladda Federaalka Soomaaliya Mudane C/llaahi
Yuusuf Axmed ayaa saaka
aroortii ku soo laabtey magaalada Muqdisho kadib markii uu
ka soo qaybgaley shirkii 11-aad ee wadamada midowga Afrika
kaas oo ka dhacey Magaalada Sharma Sheekh ee Dalka Masar.
Madaxweyne
C/llaahi
Yuusuf ayaa waxaa soo galbiyey ciidamo isugu jira
Dowladda
Federaalka iyo Ciidamada nabad Ilaalinta ujooga magaalada
Muqdisho ee AMISOM
waxaana
loo galbiyay Xarunta Madaxtooyada ee
Villa Soomaaliya.
Ilaa iyo seddax Hoobiyaal ayaa subaxnimadii hore ee
saaka
lagu weeraray garoonka caalamiga ah ee Magaalada Muqdisho,
sida la sheegay
madaafiicda
saaka lagu
weeraray
garoonka ayaa
ku dhacay
xaafado dad rayid ah ay deganyihiin oo
ku dhow garoonka
Diyaaradaha
ee Aadan
Cadde International Airport ee magaalada
Muqdisho.
madaafiicdaas ayaa Dhaawac u geystay
3 qof
oo rayid ah
waxaana la xaqiijiyay in haweenay iyo
wiil yar oo
ay dhashay ay
ku dhaawacmeen madfac hoobiye ah oo ku dhacay gurigooda
isagoo
burburiyay
aqalkoodii
qayb kamid ah.
Ma
jirto cid ilaa iminka sheegatay inay ka dambeysay weerarkan
saaka lagu qaaday garoonka
Aadan Cadde
International
Airport,
Waxaana hadda dib u furmey wadada Makka Al-mukarama
oo saaka ciidamo Soomaali
iyo kuwa
nabad ilaalinta ee AMISOM
isugu jira ay xireen.
www.ceegaag.com
webmaster@ceegaag.com |
