Xus loo qabtay sannad-guuradii 10-aad ee aas’aaska Xisbiga Dimoqraadiga Shacbiga Soomaaliyeed oo lagu qabtay Jig-Jiga.

(Jig-Jiga, July 01,  2008 Ceegaag Online)

Xarunta deegaanka Soomaalida ee Jigjiga, ayaa shalay lagu qabtay Xuska Aasaaska sanadguuradii 10-aad ee Xibsiga Dimoqraadiga Shacbiga Soomaaliyeed, Xafladan oo lagu qabtey Hoolka shirarka ee Sayid Maxamed Cabdille Xasan, waxaa hadal gaaban ku furey, Guddoomiyaha Xisbiga, Cabdifataax Sheekh Cabdullaahi yare, oo ka waramey marxaladihii xisbigu soo marey muddadii uu jirey. Hadalkaa kadib, waxaa isna dawlada wax-qabadkeeda ka warbixiyey, Madaxweynaha Deegaanka Soomaalida Mudane C/llaahi Hassan.

Xuska munaasibada, waxaa ka soo qaybgaley mas'uuliyiin ka socotey xafiisyada kala duwan ee Dawlada Deegaanka Soomaalida iyo ururrada ay bah-wadaagta yihiin xisbiga. Habeennimadii,  waxaa iyana qabtey casho-sharaf loo qabtey masuuliyiinta xisbiga iyo qaar ka tirsan ganacsatada deegaanka. Dhanka kale waxaa halkiisii ka sii socdey qiimeyntii qandaraaslayaasha iyo odayaasha sadexda Gobol ee Dhagaxbuur, Fiiq iyo Jig-Jiga.

www.ceegaag.com

webmaster@ceegaag.com