C/Qaasim Salaad Xasan oo Gaaray Magaalada Qaahira dhaq dhaqaaq Siyaasadeedna ka bilaabay halkaas.

(Qaahira, June 25,  2008 Ceegaag Online)

Madaxweynihii dowladdii Carta Cabdi Qaasim Salaad Xasan oo hogaminaayo wafdi Balaran oo dhawaan kas baxay Magaalada Muqdisho ayaa hatan ku sugan dalka Masar, C/qaasim iyo wefdigiisii ayaa ugu horentii waxa uu bilaabeen dadaalka ay ugu jiraan inay ka qaybqataan dadaaladda dib u heshesiinta ee lagu Balansan yahay dalka sacuudiga in lagu soo gaba gabeeyo.

C/Qaasim Salaad Xasan ayaa khudbad  ka jeediyey Jaamacadda Afrika University ee magaalada Qaahira  Isagoo ka  hadlay dhibaatada ka socota magaalada Muqdisho,  kuna eedeeyey, Ciidamada Itoobiya inay yihiin kuwo  si bareer ah u geysta xad-gudubyo iyo gabood-fallo ay kamid yihiin, Dil, Dhac, Barakicin iyo Kufsi, iyo weliba burburinta kaabayaashii dhaqaale ee bulshadu lahayd ayuu yiri C/qaasim Salaad Xasan.

Sidoo kale C/Qaasim, ayaa soo hadal qaaday dhibaatooyinka ka jira Soomaaliya in ay qayb ka tahay dowladda Maraykanka isagoo ku eedeyay in ay dano iyo maslaxado fog-fog ay ka leedahay badda iyo berriga Soomaaliya, Quwadahaasoo sida uu sheegay Dr. C/Qaasim aaney jirin sharciyo iyo xeerar xakameeya.

C/Qaasim ayaa sidoo kale ugu baaqay shacabka Soomaaliyeed, in ay ka shaqayaan midnimada iyo wadajirka, si loo soo celiyo Qaranimadii Soomaaliya ee dhintay, Wuxuuna si gaar ah uga codsaday qurba-joogta Soomaaliyeed ineysan ka shaqeyn qabyaalad iyo kala fogeyn, balse ay u guntadaan sidii ay sharaftooda u ilaashan lahaayeen, waxaana sharaftiinu ku jirtaa buu yiri, inaad idinku marka hore is sharaftaan.

Mar wax laga weydiiyay  C/Qaasim Salaad Xasan Shirkii Jabuuti iyo wixii lagu heshiiyey, ayuu ku Jawaabay;- sharka jabuuti bilaaw ayuu ahaa, waxaan sugaynaa dhamaystirkiisa ka dhici doona Wadanka Sacuudi bisha soo socoto.

C/Qaasim wuxuu u mahad celiyay Wadanka Masar, dhinaca Siyaasada isagoo sheegay in dalkani uu weligiiba door weyn kaga jirey arrimaha Soomaliya, iyagoo ku bixiyey xoog iyo xoolaba xoriyaddii Wadanka Soomaaliya waxuuna hadalkiisa ku daray Masar waxay calanka u siddaa Afrika iyo Carabta, waxaadna aragtaan sida Qowmiyadaha labadaas urur-goboleed ay dalka Masar ugu soo doontaan waxbarashada arinkan ayaa waxa uu u muuqda Jamacadda carabta inuu ku cadaadaniyo inay isku keento dhinacyadda siyaadda Soomaaliya isku haya shirka ka dhici doono dalka Sacuudiga.

www.ceegaag.com

webmaster@ceegaag.com