Afhayeenka Madaxtooyada DF oo sheegay in weerarada lagu qaado ciidamada Itoobiya aysan waxba u dhimi doonin heshiiskii Jabuuti

(Muqdisho, June 17,  2008 Ceegaag Online)

Afhayeenka Madaxtooyadda Dowladda Federaalka Soomaaliya Xuseen Maxamed Max’uud (Xuubsireed) ayaa ka hadlay dagaalada maanta ka dhacay qeybo ka mid ah degmooyinka Heliwaa, Kaaraan iyo Yaaqdhiis ee magaalada Muqdisho, kuwaas oo u dhexeeyey ciidamada Itoobiya iyo kuwa Dowladda Federaalka oo dhinac ah iyo kooxaha ka soo horjeeda, isagoo ku tilmaamnay iney yihin kuwo nasiib daro ah oo an xiligan loo baahneyn.

Isagoo ka hadlayey shir jaraa’id oo goor dhoweyd ka dhacay xarunta madaxtooyada Villa Somalia ee magaalada Muqdisho ayaa waxaa afhayeenku uu intaa ku daray in dagaaladaasi aysan waxba u dhimi doonin heshiiskii ay dhowaan ku kala saxiixdeen magaaladda Jabuuti ee dalka Jamhuuriyada Jabuuti isbaheysiga dib u xoreynta Somalia iyo Dowladda Federaalka  wuxuuna sheegay in dagaalada socda ay yihiin kuwo u dhacaya si aan ku talo gal aheyn ayna joogsan doonaan marka ay howlgalaan guddiyadda farsamo ee labada dhinac ka kooban, kuwaas oo uu sheegay iney hirgelin doonaan xabad joojinta heshiiskaas lagu gaaray.

Xuubsireed oo ka jawaabayey Su’aal aheyd sababta markab xoolo ah loogu deeqay walaalaha jabuuti iyadoo shacabka Soomaaliyeed qaar badan oo ka mid ah ay u dhimanayaan macluul iyo Gaajo ayuu sheegay in madaxweynaha dowladda federaalka Somalia uu gartay in lagu caawiyo walaalaha Jabuuti oo dagaal uu kala dhexeeyo dalka Eritrea ee deriska ay yihiin, isla markaana shacabka reer Jabuuti ay yihiin kuwa mudan in la taageero bacdamaa uu cadow ku soo duulay sida uu hadalka u dhigay

www.ceegaag.com

webmaster@ceegaag.com