Ahmed Ould Abdallah oo sheegay in qaraar laga soo saarayo dadka isku daya in ay fashiliyaan Heshiiskii Jabuuti

(Washington, June 19,  2008 Ceegaag Online)

Wakiilka Qaramada Midoobey ee Arrimaha Soomaaliya Ahmedou Ould Abdalah ayaa sheegay in aan loo dulqaadan doonin canaasiirta dooneyso in ay fashiliso Heshiiska Jabuuti, isagoona tilmaamay in dagaal oogayaasha Soomaliya ee xaasaska iyo caruurta u joogin Soomaaliya ay Qaramada Midoobey qaraar ka soo saartay.

Isagoo saxafiyiinta kula hadlayay Magaalada Washington ee Dalka Mareynkan ayuu sheegay Ahmed  Ould Abdallah in Soomaalidu yihiin Muslim, isla markaana looga baahan yahay in heshiiska wada oofiyaan, laakiin kuwo qowleysato ah oo caruurtooda iyo xaasaskooda qurbaha u joogo ayuu farta ku fiiqay in ay wadaan wax aan loo dul qaadan doonin

Qaramada Midoobey waxa ay sheegtay in Qurba joogta Soomaaliya ay kaalin mug leh ku leedahay Siyaasadda Soomaaliya loona baahanyahay in ay Kaalin ka gaystaan Qurba joogta Soomaaliya.

"Waa arrin xaqiiq ah in Hogaamiyaal dagaal ay Qurbaha Xasaas ku leeyihiin Qaramada Midoobey waxay ka soo saartay Qaraar Tirsigiisu ahaa 14,18 oo qabya ah Ilgooni ah ayaana lagu hayaa" ayuu yiri Ahmed Ould Abdallah.

Wuxuu sheegay in bilowga bisha soo socoto ay dhinacyadii heshiiska ku gaaray Jabuuti ay u baqooli doonaan Magaalada barakeysan ee Maka Al-Mukarama ee Dalka Boqortooyada Sacuudi Carabiya, si ay heshiiska ugu soo saxiixdaan ugana soo cibaadeystaan ayuu yiri Ahmed Ould Abdallah oo ka soo jeeda Dalka Mauritania.

www.ceegaag.com

webmaster@ceegaag.com