Ciidamada AMISOM ayaa howlgal Miino Baaris ah ka fuliyay Magaalada Muqdisho.

(Muqdisho, June 05,  2008 Ceegaag Online)

Ciidamada AMISOM ee ku sugan magaalada Muqdisho ayaa maanta howlgalo lagu bixinayo miinooyin waxa ay ka sameeyeen wadada u dhaxeysa Isgoyska KM-4 iyo garoonka Caalamiga ee Aadan Cadde International Airport ee Magaalada Muqdisho.

Howlgalkan dhinaca miino baarista ayaa waxaa fuliyay Ciidamada AMISOM gaar ahaan kuwa ka socda Dalka Uganda oo qeyb ka ah Ciidamada Midowga Afrika ee Ku sugan Caasimada Dalka Soomaaliya iyagoona si weyn u baaraya agagaaraha garoonka iyo wadada ka soo baxda Garoonka Aadan Cadde.

Ciidamada Amisom ee  ka sameeyay howlgalka ayaa hakiyay isku socodka dadka iyo Gaadiidka Dadweynaha ee Halkaas marijiray, iyagoona halkaas ku qarxiya miino lasheegay inay ka soo saareen hareeraha wadadaas.

Ciidamada AMISOM ayaa inta badan Howlaha lagu baarayo miinooyinka waxa ay ka fuliyaan goobaha ay isticmaalaan Masuuliyiinta Dowlada Fedaraalka iyo goobaha ku dhow xarumahooda.

Si kastaba hase ahaatee Ciidamada ka socda Midowga Afrika ee jooga magaalada Muqdisho ayaa waxay badanaa howlgallo ka sameeyaan meelaha Muhiimka ah sida Wadooyinka oo ay ka saaraan Miinooyin lagu aasay, Cisbitaalada oo ay Shacab u badan Caruur iyo Haween kusii daayaan daryeel caafimaad.

www.ceegaag.com

webmaster@ceegaag.com