Dalalka Spain iyo France ayaa iska kaashanaya la dagaalanka kooxaha burcad badeedda Soomaalida ah ee afduubka u geysta maraakiibta.

(Madrid, June 29,  2008 Ceegaag Online)

Kadib kulan ka dhacay dalka Spain ayey labada waddan kaga dhawaaqeen qorshe ay isaga kaashanayaan la dagaalanka kooxaha burcad badeedda ah ee qatarka ku haya maraakiibta iyo doonyaha shisheeye, waxaana labada dal ay soo saareen bayaan ay isaga kaashanayaan la dagaalanka burcad badeedda Soomaalida ah.

Maraakiib dagaal oo ay dowladda Spain leedahay ayaa lagu soo biirin doonaa markab dagaal oo dowladda France ka jooga biyaha Soomaaliya sida lagu sheegay bayaanka ay soo saareen labada dal ee Spain iyo France.

Labada dal ee iminka iska kaashanaya qorshaha la dagaalanka burcad badeedda Soomaalida ah ayaa waxaa horey xeebaha Soomaaliya looga afduubtay maraakiib laga leeyahay dalalkooda inkasta oo dowladda France ay si xoog ku soo furatay markabkii laga adfuubtay.

Golaha amaanka ayaa horey isugu raacay in xeebaha Soomaaliya loo diro maraakiib shisheeye oo ka hortagta qatarta sii xoogeysaneysa ee kooxaha burcad badeedda ah ay ku hayaan xeebaha Soomaaliya.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com