Diyaarado joog hoose ku duulaya ayaa xalay lagu arkay hawada sare ee magaalada Baardheere ee gobolka Gedo.

(Baardheere, June 19,  2008 Ceegaag Online)

Diyaarado joog hoose ku duulaya ayaa xalay lagu arkay hawada sare ee magaalada Baardheere ee gobolka Gedo. xilli gobolada Jubbooyinka ay ka jiraan cabsi la xiriirta deuqeyn ay diyaarado joog hoose ku duulaya ka geystaan deegaanadaas.

Wararka laga helayo gobolka Gedo ayaa tibaaxaya in diyaarado jooghoose ku socda ay xalay oo dhan dulheehaabayeen magaalada Baardheere, iyadoo dadka ku dhaqan magaaladaas ay soo wajahday cabsi xooggan.

Deegaano kale oo ka tursan gobolka Gedo ayaa lagu arkay diyaarado kale oo iyagana joog hoose ku socda kuwaas oo aan la aqoon halka laga leeyahay iyo ujeedadooda.

Maamulka gobolka Gedo ayaa sheegay inaaney ogeyn sababaha ka dambeysa diyaarahaan joogga hoose ku duulaya ee xalay lagu arkay magaalooyin ay ku jirto Baardheere.

Seddaxdii cishe ee ina dhaaftay ayaa sidaan oo kale diyaarado jooghoose ku socsda waxaa lagu arkay qeybo kamid ah gobolada Jubbooyinka, iyadoo aan weli la soo sheegin waxyeelo ay geysteen diyaaradahaas.

Horey ayey diyaarado ay leedahay dowladda mareykanka duqeymo dhinaca hawada waxa ay ka geysteen gobolada Jubbooyinka iyo gobolka Galgaduud halkaas oo dad iyo xoolo ay ku geeriyoodeen.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com