|
Dowladda
Mareykanka oo ka hadashay Gaboodfal-yada ay Ciidamada
Ethiopia ka sameynayaan Deegaanka Soomaalida Ethiopia.
(Washington, June
14,
2008 Ceegaag Online)
Xukuumadda Washington ayaa sheegtay in ay si dhab ah u
darsayso warbixin dheer oo Hay'adaa HRW soo saaratay
todobaadkan. Sida uu sheegay afhayeenka wasaarada arimaha
dibada ee Maraykanku, dawlada Maraykanku kama aamusin
xadgudubyada ka dhacaya gobolka Ogadenia. Waxaa uu
afhayeenku yidhi " si joogto ah ayaan ugu gudbinay dareenka
Dowladda Maraykanka Xukuumada Addis Ababa, Safiirkayaga iyo
masuuliyinta sare ee booqday Itoobiya ayaa arrimaha xuquqda
aadanaha oo ay ku jirto ka dhacday Gobolka Ogadenia kala
hadlay dawlada Itoobiya"
Hay'ada HRW ayaa sheegtay in shaqaalaha ururka USAID iyo
ciidamada Maraykankuba ay ku sugan yihiin qaybo ka mid ah
Ismaamulka Soomaalida islamarkaana la socdaan gaboodfalka ay
sameeyaan ciidamada Itoobiya.
Itoobiya ayaa la leh Maraykanka xidhiidh wacan iyo iskaashi
si ay wadajir ugaga hortagaan aragagixisada caalamiga ah,
Waxaa ay Waaxda arrimaha dibada ee Maraykanku sheegtay in
ONLF iyo ciidamada Itoobiyaba lagu eedeeyey xadgudubyada ka
dhacay deegaanka Soomaalida islamarkaana ay adag tahay in la
sheego midkooda ka dambeeya tacadiyada.
Warbixin dheerr oo ka kooban 130 Page ayey dhawaan hay'dda u
dooda xuquqda aadanaha ee HRW ay ku soo bandhigtay dalka
Kenya. Waxa ay warbixintu sheegtay in ciidamada Itoobiya ay
fuliyeen falal kala ah: dil, kufsi, barabixin qasab ah,
jidh-dil iyo tuulooyin dad la qabad siiyey. Waxa ay HRW
sheegtay in ay waraysatay dad badan oo jooga Soomaaliya,
Kenya iyo Itoobiya. Waxa ay intaa ku dartay, in ay hayaan
sawiro lagu qaaday dayax-gacmeed oo marag u noqon kara
warbixintooda sida darteedna Itoobiya aanay beenin karin.
Dhanka kale, waxa ay hay'adu ku eedesay ururka ONLF in uu
qayb ka tahay gaboodfalyada loo gaystay dadka shacabka ah.
Waxa ay HRW tidhi"jabahda ONLF waxa ay dishaa dadka lagu
tuhmo in ay xidhiidh la leeyihhin Itoobiya isla markaana
waxay miinooyin galiyaan wadooiynka iyaga oon u kala aaba
yeelin si ay bartilmaameed uga dhigtaan gaadiidka dawlada oo
u socda si kolonyo ah"
Ururka ONLF ayaa si xoog leh u beeniyey in ay bartilmaameed
ka dhigtaan shacabka. Madaxa hogaanka dibada ee ONLF, C/raxman
Mahdi, ayaa ku sheegay waraysi ay la yeelatay Idaacada VOA
in uuna ururkiisu dadka dillin.
Dawlada Itoobiya ayaa iyaduna dhankeeda ka beenisay
warbixinta hay'adda HRW. Warbixin ay soo saartay Wasaarada
Warfaafinta xukuumada Addis Ababa ayaa lagu sheegay in ay
warbixintu tahay been abuur aan raad lahayn oo ay wataan dad
dano gaar ah leh.
www.ceegaag.com
webmaster@ceegaag.com |
