Dowladda Somalia ayaa ka codsatay Xukuumada Moscow in ay qeyb ka qaataan Soosaarista Macdanta iyo Shiidaalka.

(Moscow, June 28,  2008 Ceegaag Online)

Dowladda Somalia ayaa ka codsatay dowaldda Russia inay dalka Soomaaliya ka baarto macdanta Yunaaniyamka iyo sidii ceelal shidaal looga qodi lahaa gudaha Soomaaliya.

Codsiga ayaa waxaa dowladda Ruushka u gudbiyey Safiirka dowladda Soomaaliya u fadhiya magaalada Moscow ee xarunta dalka Russia oo isagu shir jaraa'id ku qabtay halkaas.

Ambassador Maxamed Xandulle ayaa sheegay in dowladda Soomaaliya ay rajo fiican ka qabto sidii ay dowladda Ruusha heshiis arrintaan ku saabsan ula gali laheyd, wuxuuna intaa ku daray in ay ka codsanayaan Ruusha inay maal geliso Soomaaliya.

"Waxaanu wadnaa dadaalo arrintaan la xiriira, iminka waxaa socda wada hadallo u dhexeeya shirkad laga leeyahay dalka Ruushka iyo dowladda KMG ah" ayuu yiri Mr. Maxamed Xandulle safiirka Ruushka u jooga dowladda KMG ah.

Wuxuu intaas raaciyey in dhawaan ay rajeynayaan in dalka Soomaaliya laga bilaabo arrimaha shidaal baarista, isagoo intaa ku daray in heshiisyo badan oo ay dowladda KMG ah la gashay shirkado caalami ah ay iminka wax qabadkooda soo naasacadaan doonaan.

Xafiiska Wararka Ceegaag.com Muqdisho, Somalia

Axmed Aadan Ibraahim

axmedmadoobe@hotmail.com

webmaster@ceegaag.com