Euro 2008 Portugal oo usoo baxdey Wareega Labaad iyo Turkiga oo Guushii ugu horeysay soo hooyay.

(Basel, June 12,  2008 Ceegaag Online)

Xulka Portugal ayaa 3-1 ku garaacay Xulka Qaranka Czech Republic kulan aad u xiisa badnaa oo ka tirsanaa qeybta A una soo baxay Wareega Labaad, halka Wadanka martida loo yahay ee Switzerland ay ka hareen Tartanka Ciyaaraha Euro 2008.

Xulka Portugal  oo afar sano ka hor Final-ka looga adkaaday ayaa hada waxa uu umuuqdaa  dalka loo saadaalinayo in uu ku guuleysanayo koobkan.

Goolka 1aad ee Portugal ayaa yimid daqiiqadii 8-aad ee qaybta hore ee ciyaarta waxaana u saxeexay Ciyaaryahanka Asal ahaan kazoo jeeda Dalka Brazil ee Deco, hase yeeshee ciyaaryahanka L. Sionko ayaa Xulka Czech Republic u dhaliyay Goolkii barbar dhaca ahaa daqiiqadii 17-aad ee isla qaybta hore ee ciyaarta.

Labada Dal ayaa soo bandhigay ciyaar aad u xiiso galisay dadweynihii daawanayay iyadoo qeybtii dambe Ciyaaryahanka da’da yare e Reer Portugal C.Ronaldo u dhaliyay wadankiisa Gool aad u quruxbadnaa daqiiqadii 63aad, Ronaldo ayaa isla daqiiqadii 90-aad Gool uu dhalinkaro u ogalaaday ciyaaryahanka isna da’da yare e R. Quaresma inuu shabaqa Kooxda Czech ku hubsado, halkaas oo ay ciyaartii kusoo gabagabooday 3:1.

Xulka qaranka ee Turkiga ayaa xalay afka ciida u daray wadanka martida loo ahaa ee Switzerland, Ciyaartan oo aad u xiisa badneyd ayaa hab ciyaareedka labada koox aad isugu dhowaayeen iyadoo markii dambe Xulka Turiga uu 2:1 kaga adkaaday Xulka Switzerland.

www.ceegaag.com

webmaster@ceegaag.com