Faahfaahin ku saabsan 2 Ajinebi oo si Sharci daro ah u baadhayay Macdanta Buuraha Calmadow oo lagu qabtay Magaalada Laasqoray.

(Laasqoray, June 07,  2008 Ceegaag Online)

Warar Dheeraada oo ka soo baxay magaalada Laasqoray ee Gobolka Sanaag ayaa Waxa ay soo Xaqiijinayaan in Gaari saaka lugu qabtay duleedka magaalada laasqoray ay saarnayeen 2 nin oo Ajnebiya iyo tiro kale oo aan badnayn waxaana la sheegay in dadka cadaanka ah ay u kala dhasheen Wadamada China,iyo Yemen waxaana la geeyey Dadkaasi Meel 20-Km u jirta Magaalada Ceerigaabo ee Xarunta Gobolkaasi  Sanaag.

Wararku Waxay sheegayaan In Kooxda Wadatey gaariga la Qafaashay ay ahayeen kooxo ka soo jeeda Degaanka Magaalada Bosaso ee Xarunta Gobolka Bari Waxaana la Sheegay Inay ahaayeen Dad Si Qarsoodi ah ku baaranaya Macdanta iyo khayraadka Dhulka Sanaag ku aasan iyagoo aan Cidina ka Warqabin arinta Qarsoodida ah ee ay Ku guda Jireen.

Waxaan ka Cudur Daaranaynaa Inaan Saaka Warkayaga ku sheegnay Shirkada Macdanbaaritsta ee Reanch Source iyadoo ay yihiin Qolyaha Saaka laga afduubay Duleedka Magaalada Laasqoray Qolyo ka Madaxbanaan Shirkadasi Shidaal qodista balse iyaga laf ahaantoodu ay ahaayeen Kooxo Si sharci daro ah uga quudanayey Agagarka Degmada Laasqoray.

Waxaa Ka Baxay magaalada Boosaaso ku dhowaad 4-tigniko ah oo ay Saaranyihiin Ciidamada Bileyska Maamulka Puntland oo Haatan ku sugan Meel wax yar dhinaca Galbeed kaga beegan Degmada Laasqoray ee Gobolkaasi Sanaag Waxaana lugu soo Waramayaa Inaanay ilaa iminka  la Hayn Wax talaabo ah oo ay ku raadinayaan arintaasi.

Gudoomiyaha Degmadaasi ee Dhinaca Golaha Shacabka Mudane Yuusuf ayaa ka Gaabsaday Inuu Saxaafada uga Waramo Xaalada ka Dhacday Duleedka Degmada Laasqoray isgoo Sheegay Inaanay arintaasi ahayn Mid uu Saxaafada u gubinkaro.

Waxaa Ciidamada Maamul Goboleedka Puntland ee ku sugan Degmada Laasqoray ay soo sheegayaan Inaaney arintaas wax Xog ka Hayn oo aysan Kooxdaasi Weerar ku qaadi karin balse ay Si Walaaltinimo ah Wax kaga Doonayaan ,Ma kala Cada ilaa iminka Jawaabta ay ka Bixin Donaan Kooxda Haysata 3 Ruuc ee ajnebiga ah Waxaa Degmada Laasqoray ee Gobolka Sanaag Suuqyadeeda loogu arkayaa Dadbadan oo iswaydiinaya arintaasi Saaka ka soo Cusboonaatay.

Odayaal Dhaqameed Magaalada Laasqoray ayaa Wada Qorshayaal iyo Dedaalo ay ku baadi gobayaan sidii loo Heli lahaa Xal macquul ku ah Xaaladaasi iyo Deganaansha Degaanka Welina ma jiraan wax hadalo ah oo ay wada yesheen xubanaha Maamulka Puntland iyo Waxgaradka Odayaal dhaqameedka ka soo jeeda degaanka Gobolka Sanaag.

Xigasho: Laasqoray

webmaster@ceegaag.com