|
Jaamacadda
Carabta ayaa ku baaqday in wax laga qabto xaalada dalka
Soomaaliya.
(Muqdisho, June
27,
2008 Ceegaag Online)
.
Samiir
Xusni oo u qeybsan Jaamacada Carabta Arrimaha Soomaaliya
ayaa sheegay in Jaamacada Carabta iyo Midowga Afrika iska
kaashan doonaan sidii loo dejin lahaa xaalada dalka
Soomalaiya.
Samiir
Xusni waxuu xusay in Shirkii Jabuuti ee ka wada shaqeeyeen
Ururka Jaamacada Carabta, Q.M iyo Ururka Midowga Afrika ,
shirkaasi oo lagu gaaray heshiis ay kala saxiixdeen
Isbaheysiga dib u xoreynta iyo dowladda KMG ah.
Ergeyga gaarka ah ee Jaamacada Carabta u qaabilsam dalka
Soomaaliya Samiir xusni waxuu sheegay in ay sii wadi doonaan
Wada hadalada iyo dib u heshiisiinta dalka Soomaaliya,
waxuuna hoosta ka xariiqay in ay iska kaashan doonaan
markasta Labada Urur ee Midowga Afrika iyo Jaamacadda
Carabta horumarinta dalka Soomaaliya
******************************
Xaalada Degmadda Deyniile oo degan iyo Gudoomiye K/xigeenkii
degmadda Huriwaa oo dib u helay xoriyadiisa kaddib markii ay
sii daayeen Ciidamada Itoobiya oo uu u xirnaa in muddo ah
Xaalada Deegaanka Deyniile ee magaalada Muqdisho ayaa maanta
degan kaddib markii weerar lagu dilay 9 ka tirsan Ciidamada
dowladda KMG,
Wararka ka imaanaya magaalada Muqdisho ayaa axaqiijinaya in
maanta xaalada deegaanka Deyniile uu degan yahay, waxaana la
sheegay in ciidamadii Booliiska ee weerarka lagu qaaday ee
ku geeriyooday halkaasi la aasay.
Sarkaal sare oo ka tirsan Booliiska ayaa xaqiijiyay
dhimashada ciidamadaasi , waxuuna weerarkaasi ku eedeeyay in
ay ka dambeeyaan Kooxda Al-shabaab.
Dhinaca kale waxaa dib u helay xoriyadiisa Gudoomiyihii
Degmada Huriwaa Cumar C/lle Axmad oo 19 maalmood kaddib ay
sii daayeen Ciidamada Fariisinka ku leh Warshadii hore ee
Baastada.
www.ceegaag.com
webmaster@ceegaag.com |
